黃建東爆笑惡搞王敏德護髮廣告

有「新一代扮嘢王」之稱的搞笑藝人黃建東 (東東)最近與王敏德 (Michael)合作拍攝男士育髮精華廣告。東東爆笑飾演長髮豬肉佬和特朗普等，再加上東東去年hit爆的二次創作 “What Time Is It?”對白，令大家捧腹大笑：「好耐冇扮鬼扮馬同埋推出自家製作嘅搞笑片，好開心今次拍廣告客戶可以讓我過足扮嘢癮。之前未扮過特朗普，所以睇咗好多佢嘅影片做功課，同埋今次可以同男神前輩王敏德合作非常榮幸。佢一舉手一投足都係咁散發型佬味道，佢真人非常 nice，原本希望同佢合作完我嘅型男指數可以上升丁點但最終因為先天性缺陷而事與願違。」東東的自嘲能力非常高。

搞笑藝人黃建東。

東東爆笑飾演長髮豬肉佬。

 

 

東東首次扮演特朗普，非常搞笑。

全條片最多人談論是廣告尾段彩蛋環節 Michael跟東東說不好意思自己已經結婚，東東回應有心唔怕遲，然後Michael回覆了一句東東聽不明的，跟住東東忍唔住問佢講乜嘢：「其實呢個部份係導演給我們的臨時即興環節，看看我和Michael有什麼方法火花，跟住我哋就 jam咗呢個翹手曖昧環節，點知我現場聽唔明Michael的回覆，然後問佢講乜嘢，跟住全場爆笑，所以最尾決定把這個蝦碌放進影片裏，結果大受歡迎。」

東東與王敏德 (Michael)合作拍攝男士育髮精華廣告。