為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 跟我去Social 2020 年 05 月 30 日

周美鳳

公關界女強人,八六年參加香港小姐後進入娛樂圈,九六年由幕前轉型從商,創立Frement公關公司,人稱「周董」,相識滿天下。娛樂圈閨密朋友,粒粒皆巨星天王天后級人馬,經常要Social,對社交Ball場軼事瞭如指掌。

口罩美妝

氣溫上升熱到滿頭汗,真辛苦,但慶幸確診個案回落,尤其是本地個案,暫時鬆一口氣!不過一日疫情未控制,為他人、為自保,大家都唔可以鬆懈。雖然夏日熱辣辣,但出街都要「罩不離面」,同口罩共生死!天氣熱焗,又要長期戴口罩,如果滋潤度高的保養品加上防曬、粉底等等化妝品,會令皮膚負擔太大……所以今個夏天我決定簡單妝容。
底妝方面,我只需用一支多功能:有色、防曬嘅BB cream, 質地清爽又唔油膩!我用了二十年,非常有效控油和防曬。至於眼妝方面,Lancôme新推出嘅睫毛膏係我嘅不二之選,好快而有效令雙眼精靈醒神,加埋口罩五分鐘出到門口,並可以遮掉倦容又慳時間!

我的卸妝恩物!卸妝時絕對唔可以馬虎!

 


化妝重要,但其實卸妝更加重要!出完街返到屋企第一時間卸妝,等肌膚透透氣。我最近有新發現,同品牌的眼部卸妝液一向係我的卸妝恩物,用咗幾十年都冇第二隻產品可以取代佢嘅位置,無油膩感之餘又能徹底清潔卸妝,尤其是眼簾部位。其實以前我貪靚又貪方便,只用普通卸妝油卸除眼妝,結果有一次去驗眼嘅時候,發現自己睫毛孔上有好多白色粒粒,醫生告知原來係毛孔塞住引致眼睫毛脫落,再惡化可能會令眼部感染。嚇到我以後卸妝不再敢貪快貪方便,小心選擇啱自己皮膚嘅卸妝水,尤其係眼部!
雖然口罩有排戴,但皮膚保養都要做足,我亦會為大家繼續搜羅美肌產品、各種食療、茶療,戴口罩之餘都要守護皮膚健康!