為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2020 年 05 月 28 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

中銀人壽為人生精算

新冠肺炎令全球活動停頓,新加坡稱遏制病毒傳播措施為「熔斷機制」(Covid-19 Circuit Breaker Measures),都好貼切。全球停擺,當中亦有企業憑藉數碼平台,突破不能「見你一面」嘅限制,取得佳績。
我最近同中銀人壽執行總裁鄧子平(Wilson)傾保險業數碼化趨勢,佢分享集團已經投入幾年時間耕耘,至能夠在疫情中充分發揮網上和手機銀行平台優勢,維持銷售增長。不過Wilson強調,數碼化唔係單為生意,好似疫情下有客戶擔心健康,想盡快投保,公司能夠滿足客戶急切需要,及時提供保障,呢點亦係保險嘅初衷。
中銀人壽係中銀香港(2388)旗下公司,一九九八年開業,至今超過二十年,上年壽險新造保費大增近五成,至一百三十八億元(港元,下同),首次突破百億。保險公司好多都係過百年企業,中銀人壽在業內屬於年輕新秀,而且香港市場競爭激烈,能夠在短短廿年爬升到香港五大保險公司之一,呢個成績唔簡單。

中銀人壽鄧子平(左)分析如何為人生精算。

 


成功因素之一當然係母行中銀香港嘅分行網絡,以及網上和手機銀行平台,再配合支付通道BOC Pay,令中銀人壽穩得客戶群先天優勢。由於銀行客戶資料已經儲喺數據庫,客戶投保可以免卻輸入個人資料步驟,好快完成投保程序。由於母行一早開始推數碼化,中銀人壽上年數碼渠道銷售位居全港第一,市佔率達五成。
保監局有見於疫情推出遙距銷售便利措施,亦有助公司進一步拓展數碼銷售。Wilson認為,中銀人壽在數碼銷售方面雖然市佔率高,但佔整體銷售仍不到一成,所以仲有好大增長空間。公司上年喺手機銀行推出咗十款保險產品,包括儲蓄人壽保險、自選人壽+危疾保險等,未來會繼續增加住院現金計劃等新產品。疫情令消費行為大大改變,相信數碼投保會係未來大趨勢。
有客戶有平台都要有合適產品。可扣稅嘅延期年金(QDAP)係中銀人壽主打之一,今年第一季已經賣出三萬五千張保單,保費收入約二十二億元,早前更推出全港第一個手機QDAP產品,市場反應不俗。Wilson係精算師,我當然請教佢年金受香港人歡迎嘅原因。佢分析香港人口老化趨勢,目前平均壽命達到近八十五歲,全世界第一;而全港六十五歲以上人口佔百分之十七,廿年後會增至三成。
Wilson用另一方式解話,以十五至六十四歲勞動人口,對比六十五歲以上退休人口,現時係三點九名勞動人口對一名退休人口,但廿年後將會降至一點八名勞動人口支持一名退休人口。七十年代時香港人平均壽命約七十歲,退休後只要供養自己十幾年;但對於現時三十歲人士嚟講,日後隨時有九十歲壽命,即係讀書、工作、退休分別都係三十年,佢哋要喺三十年工作期間儲夠三十年退休使費,所以一定要提早積蓄、投資和買保障。
不經不覺同Wilson由工作講到人生,佢都不離「精算」老本行,我覺得好多事算唔到,但早作規劃一定啱數。