為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 05 月 23 日

晒肚凸凸全身照飄孕味 吳若希: 將正式公佈屋企有新成員

今日28歲生日的吳若希近日傳再度懷孕,今胎是B仔。

今日28歲生日的吳若希(Jinny)近日傳再度懷孕,今胎是B仔,但由於未夠3個月,故暫時未能對外公佈。對於懷孕傳聞,夫婦倆至今都沒有否認,最近Jinny於社交網貼出的照片,更刻意挑選半身照來遮肚,不過,昨晚她忽然於Instagram(Ig)上載一幅全身照,經常跟老公何兆鴻開火的Jinny寫道:「噚晚何兆鴻令我體會到一樣嘢,無所謂嘅『應唔應份』,只係睇你『樂唔樂意』。你唔樂意,就無嘢係應份。#人生」有網民就表示聞到燶味,又有人說:「家醜不出外傳,仲特登話畀人知」、「你係咪成日好惡X你老公呀?不過你老公應該好樂意」,Jinny則笑謂:「唔係o架~佢係我偶像嚟o架~成日創新我三觀,令我見識到我從未見識過我嘅嘢~」

吳若希晒肚凸凸全身照,網友都話孕味濃。

 然而有更多網民Focus落Jinny個肚,事關穿上貼腰花花裙的她明顯腹部隆起,不少網民都表示已見肚、孕味濃,有人問:「其實係咪有咗BB?感覺上你又有咗」、「聽日生日會唔會順便公佈埋懷孕?」Jinny起初故作神秘回覆:「遲啲話你豬(知)。」後來又明言:「將會Offical公佈屋企有一位新成員。」嘩!恭喜晒!

有網民問吳若希是否又有咗,她話遲啲話大家知。

其後吳若希又表示將會正式地公佈屋企有一位新成員。

吳若希近日都刻意只Po半身照。

相中腹部都係遮遮掩掩。

其實吳若希個Po本來係寸緊老公何兆鴻。