為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 05 月 22 日

質疑男友同助手搞一次就生B 林雅詩落淚:係咪要成全佢哋一家

林雅詩(Grace)的經理人兼男友馬天樂被揭一腳踏兩船,與女助理私下有一名3歲小朋友,日前她更被影與男友出現在醫院似有爭執。

Grace到尖沙咀拍攝廣告,見到她左手戴上護臂,未見馬天樂同行。問到心情如何?她說:「有工作較ok,但都難過因為呢件事,對於我心目中係大件事,好嬲,俾人呃咗3年。(準備好工作?)冇辦法,工作是事前接落的,其實我未Ready好,但不想影響工作。(與馬天樂現在的關係?)其實唔知係咩關係,有工作上聯絡、有嘈交,所以工作上暫時分開先。」

林雅詩情路坎坷,先後被前夫和男友背叛。

 


Grace表示受盡情傷,身心都差,已3日無法吃睡,食安眠藥都無用。問到被指入醫院?Grace思考良久才說:「係睇醫生。(是因肢體衝突受傷?)是自己身體問題,不關他事。」繼續問及醫院一事,Grace前後矛盾,再坦言是對方陪同到醫院,但受傷是自己不小心,言詞間仍保護對方,說:「是發脾氣時撞到扭親的,傷勢ok,不用留醫。」

林雅詩話死心但又不捨抽身。

 

當談及男友與女助理一事,Grace已忍不住邊講邊流淚,說:「他有向我講過,但我接受唔到他的答案,是我們當時有嘈交,他就向女助理傾訴,點解我一啲都發現唔到?覺得自己好蠢!他們是工作關係,有聯絡,我信任他便沒想太多,眼下亦未見有親密行為。」Grace續說:「有女人埋身邊個男人不鹹濕?當時我們一齊,他有承認過關係一次,但一次就有小朋友?(有驗DNA?)他說沒有,我都唔明點解,我知道女助手仍喜歡他,但她又祝我幸福快樂。」
問男方有意解決事件?Grace說:「不知道,睇返件事,好似(分手)係比較索性的做法。(覺得情路坎坷?)係,前夫係咁,依家又咁。其實我都死心,他有求過我,但我自己都過唔到關,都要諗清楚要點做。」再問到下一步是否抽身?她想了一想,再說:「咁做啱唔啱?我都不知道,是否要成全他們一家人。」

林雅詩手傷說自己撞親。