為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 05 月 19 日

「23條」立法 特首有責 何柱國:針對間諜顛覆國家

人大及政協兩會將喺北京召開,全國政協常委、星島新聞集團主席何柱國得悉,有代表計劃喺兩會上提出有關本港《基本法》二十三條立法嘅提案。何柱國日前接受無綫節目《講清講楚》訪問時強調,「不論局勢平穩與否,特首都有責任推動二十三條立法,係必須做嘅事,就好似學校考試,每個學期你都要考試,你可唔可以跳一年不考?唔可以o架。」
佢仲話二十三條只針對間諜顛覆國家等行為,普通市民唔會受到影響,相信「反彈不會好犀利」;反而修訂《逃犯條例》令香港「行衰路」,又話自己當初第一個反對修例,曾向特首林鄭月娥提到,與其修訂《逃犯條例》,倒不如為二十三條立法。
何繼續解釋,二十三條只針對小部分人而非普羅大眾,「你唔係做間諜、唔係預備顛覆國家,關你、我咩事呢?唔捐款畀外國勢力、外國政黨,外國人唔可以捐畀本地政黨,有咩所謂?美國都係咁。」又提到每個國家都有其國家安全法,如果民主黨或公民黨唔滿意,不如拎美國國家安全法,一百分之一百抄足,「美國係民主國家,咁樣佢哋滿唔滿意呢?」何柱國明言可向中央建議,按照美國國家安全法撰寫法律,代替二十三條。
政府施政強差人意,社會怨氣甚深,何柱國直言對林鄭月娥「好有意見」,「佢形容以前兩個特首係鴕鳥,係嘛,佢自己仲係隻大鴕鳥啦。」 指對方推行修例導致香港社會撕裂至今仍未停止,認為佢應思考自身表現「對唔對得住自己」。
對於港澳辦和中聯辦就內會爭議發聲,是否意味中央收緊對港管治?何柱國稱,兩辦從來唔想管香港嘅事,但郭榮鏗有目的和有居心地拖延內會逾半年,令內會無法選出主席,而政府又無動於衷,兩辦「睇唔過眼」,「特首坐喺度唔郁,咪逼佢(兩辦)講囉,你以為佢好想管香港事咩?」何續指,香港為中國嘅屬地,兩辦有權就香港事務發聲,「香港有支中國五星旗喺度,佢哋講句說話都錯、講句說話都無權咩?」

何柱國認為特首有責任推動《基本法》二十三條立法。

 

林鄭月娥曾形容過往兩名特首是鴕鳥,但她近年的施政表現乏善可陳,被揶揄是一隻大鴕鳥。

 

港獨思潮近年被人刻意挑動,令社會局勢陷入動盪不安。

 

港澳辦和中聯辦早前就立會內會選主席風波發聲,何柱國認為是特首對內會爭議無動於衷,才令兩辦「看不過眼」,挺身發聲。