為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 05 月 16 日

逆齡有術 毛舜筠一家坐無影凳

現年60歲嘅毛舜筠(毛姐)逆齡保養得宜,全因為向來注重飲食,生活健康,加上盡量喺夜晚6點後唔再進食,最多只食七分飽,所以身型fit到爆。另外,她熱愛做運動,以前更係個運動達人,會跑10公里,近年改做瑜珈,每星期至少3次運動,每次個半小時瑜珈、拉筋或急步行等。

昨晚她上載兩張運動相,除自己在家中健身房做倒立外,仲拉埋老公區丁平及細女區亦山(Jill)做親子運動,三人身穿運動裝,齊齊貼住牆邊坐無影凳,相中素顏示人毛姐,神情輕鬆;而年紀輕輕嘅Jill面露笑容,似乎呢個動作難唔到她,反觀區丁平用手撐住雙腿,似乎比較吃力,但跟家人做運動,不失溫馨。毛姐留言說:「張這『梳化』幾舒服,歡迎大家來我家坐坐或跟我一起站著#食有時運動#有時鍛鍊毅力」

唔少網叫大讚毛姐好勁,因為呢張「梳化」坐一陣就頂唔住!另有話Jill好叻,毛姐自豪用英文回覆:「我知!佢永遠係最棒的。」亦有網民笑說:「多謝(邀請),我屋企也有梳化的!」

 

毛姐好重視家庭生活,一家人相當溫馨。

 

毛姐同細女、老公齊齊邀請大家到她家坐「梳化」!

 

60歲嘅毛舜筠表演倒立獲讚。

 

毛姐逆齡保養得宜,60歲似40歲。