為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 05 月 14 日

自爆閨房秘密  陳柏宇唔鍾意攬老婆瞓

陳柏宇(Jason)接受網上平台訪談節目訪問,除了談及自己的事業夢外,也大曬與妻女之間的甜美生活。近年Jason人氣有增無減,不過他指未有做成太大壓力,唯一感到緊張的只有一次,「早兩年做紅館特別緊張,因為冇字幕機,同埋第一次做一萬人嘅show,所以嗰次壓力大啲。」很多藝人站在台上,都甚享受台下萬人歡呼一刻,但若然可以揀,Jason寧願不用做宣傳,留多些時間當幕後,無懼減少曝光。Jason說:「可以俾我喺幕後做下導演會好好玩。我唔係好識,但係可以邊做邊學,而且可以將自己累積返嚟嘅經驗變做一件事,都幾過癮。」想不到過去曾為自己的作品《七折》擔任導演的Jason,對導演工作的興趣如此濃厚。

 

 

Jason又指Leanne覺得女兒樣子似「朱標」。

 

Jason在節目亦有分享生活上的點滴,他自爆睡覺時愛攬住攬枕睡覺,主持人聽到後不禁問他為何不攬住老婆符曉薇(Leanne)瞓,沒想到他竟對提問感到愕然,更立即反駁道:「攬住老婆點瞓呀!?我試過責住自己隻手瞓,痺到起身嘅時候冇咗知覺,係點郁都冇感覺。」Jason更表示,自從女兒Abigail出世後,女兒睡在二人的中間,就更沒有與老婆相擁而睡的可能。說起Abigail,原來Jason與Leanne都愛為女兒改花名,其中Leanne便常常叫女兒做阿標,Jason指這全因Leanne覺得女兒的樣子好似「朱標」,他則愛叫女兒做「Abibu」。廿四孝老竇Jason,平時又會唱歌o氹女兒,而女兒現在已懂跟着Jason的歌聲點頭或拍手,十分可愛。Jason在節目中,又應主持人要求,即席示範如何唱歌o氹女兒,又拿起玩具公仔示範如何為女兒換尿片,期間他更分享了換片心得,「有時佢會申手去搲吓、摸吓自己,所以要分散佢嘅注意力,如果唔係佢一摸到臭臭就弊!」Jason更表示,換片後會跟女兒Kiss,盡現慈父一面。

Jason謂自Abigail出世後,就睡在兩夫妻中間。

 

 

 

有女萬事足的Jason,不時同大家分享一家三口的開心照。