為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 05 月 13 日

踢爆捐款混帳 龍門人氣急跌

本刊早前踢爆最紅「黃色食店」龍門冰室嘅老闆張俊傑,畀一班黃絲合作夥伴圍攻,話佢帳目不清、拖數無捐款等,報道即時引發全城黃絲議論紛紛,當中有人不滿爆料者搵《東周刊》放料,但當事人就反擊,話之前有搵過幾間「黃媒」求助,但係冇一間肯報道事實,搵到《東周刊》,先將龍門嘅真面目公諸於世。
大部分睇過報道內容嘅人都認為「龍門」確係有問題,決定罷食;亦有唔少「龍粉」話打死唔割席。不過,口講唔割,身體卻最誠實,本刊喺月初一連四日嘅假期巡查多間「龍門」,發現以往午市或晚市時段嘅人龍統統唔見晒,不少年輕人都過門不入,寧願去隔離店排隊等位都唔食龍門。
其實龍門帳目混亂早有前科,本刊報道出街後,再有知情人士爆料,話有人早年搞冰室搞到財困,差啲要破產,結果係富臨老闆救佢一命。後來兩人合作開屯門分店,點知被人揭發又係帳目不清兼利益輸送畀自己人,「當龍門變『黃』兼生意大增後,有人竟然高調同救命恩人割席,令富臨老闆對佢好失望。」知情人士說。

本刊日前巡查龍門多間食店,發覺店外已無人排隊,繁忙時間店內食客亦不多。

 

《東周刊》踢爆龍門老闆張俊傑與黃絲合夥人的帳目轇轕,引發不少黃絲決定罷食龍門。