為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 05 月 16 日

重見SunnyDay 黃國榮

新冠肺炎疫情巨浪,席捲各行各業,曾為不少樂壇天王天后排舞的星級排舞師黃國榮(Sunny Wong),其位於北角的七千多呎跳舞學校,亦已暫停營業接近三個月,除自家收入暴跌九成外,同業的生計亦令他很擔心。「我哋搞網上授課,主要係幫一啲兼職排舞老師搵番啲收入,希望幫到佢哋之餘,又幫下自己啦!我唔想一番心血就咁無晒,好唔捨得,希望疫情好轉後,學校生意會好番啲。」
除大搞網上授課,他亦有份參與籌備於上周六舉行的《郭富城鼓舞•動起來網上慈善演唱會》,為業界籌款,出心出力。
「入行三十幾年,我深明呢行嘅艱難,好多排舞師係手停口停,我唔想因為呢個疫情流失咗佢哋,希望大家一齊渡過啦!」
只要有信心,Sunny Day必會重來。

Sunny最近添置不少健身器材,這間排舞室在疫情下變成健身室。

 

今年農曆新年,Sunny兩公婆還跟郭富城等一眾好友搞團拜。

 

轉Online助同業

經歷長達半年的疫戰,最近疫情終有放緩跡象,相約黃國榮做訪問時,他的跳舞學校仍未能重開,在空曠的校舍裏,只有他和兩、三位職員在為網上教學課程做準備。
面對世紀疫症,Sunny稱與其坐以待斃,不如諗計如何疫境求存,發揮香港人本色。「收入跌咗九成,惟有堅強啲啦!全世界都慘,重要係點樣喺安全嘅情況下,有番啲微薄收入。我四月頭試做咗幾堂網上教跳舞,直播反應幾踴躍,有四千幾人睇,所以今個月開始,會正式開網上班,教小朋友跳舞。
「呢壇嘢我哋淨係買投影器、電腦等器材,都使咗三、四萬蚊,我旨在俾老師有工開,九成學費會俾番佢哋。其實呢幾個月啲兼職老師無晒收入,政府津貼佢哋又受惠唔到,真係好慘!」
他坦言,教網上班的收入,始終比不上真人授課,只是疫情之下,總好過零收入。

他與太太洪華結婚多年仍恩愛如昔,二人都愛旅行及運動,志趣相投。

 

上周六(9日)郭富城舉行《郭富城鼓舞.動起來網上慈善演唱會》,幫舞蹈員同業及電影業界工作者籌款,好兄弟Sunny(紅圈)當然要鼎力支持。