為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 05 月 14 日

最強潮媽 馬詩慧

名模潮媽馬詩慧(Janet)與大女王曼喜(Kayla)及二女王麗嘉(Irisa)經常三人行,行出來猶如三姊妹。
面對大女公開女同志身份,二女又不時在社交網分享極性感照,令守舊派家長嘩然,但思想開通的她卻定過抬油說:「同男人或女人拍拖都係relationship(關係)啫,最緊要當中有愛,搵個真係愛錫自己嘅人;至於Irisa啲性感相,全部都係我影,最緊要影得靚,唔猥瑣,有本錢至可以表露出來,唔通等到皺晒皮至露咩?啲人又要睇又要批評,係咪有啲矛盾?」在女兒心中,馬詩慧強如wonder woman,Kayla和Irisa同聲說:「媽咪好堅強,好支持同包容我哋,對我哋成家都好有耐性。」
外表強勢的馬詩慧,一「媽」當關,女兒都要向她寫個「服」字。

Kayla和Irisa錫錫媽咪,Kayla說:「媽咪係女強人,撐住成個屋企,我對時裝嘅天份,都係由細睇住佢而學到,希望將來可以報答父母,有機會買間度假屋一齊住。」馬詩慧聽到甜在心。

 

子女的大家姐

馬詩慧在子女面前猶如「大家姐」,而且甚為「順得人」,攝影師建議拍攝一張女兒錫錫媽咪的溫馨照片,經驗老到的馬詩慧自是手到拿來,三母女研究相片效果時,兩女兒直言覺得母親表情怪,唔收貨要再影過,她樂於接受意見,「佢哋要求好高,要所有嘢配合得好好,我哋一家人都好鍾意影相,以前Michael(王敏德)出動成套好專業嘅哈蘇鏡頭幫仔女影相,曬大相做牆紙,但佢嘅興趣日新月異,之後就由我負責幫仔女影相。」
廿七歲的Kayla及廿四歲的Irisa常在網上貼出尺度大膽的靚相,馬詩慧更會親自操刀為她們拍下不少美感裸照,但卻被網民批評「唔着衫」,父親王敏德起初甚為不滿,每當看到女兒於社交網站發放性感照,他更tag馬詩慧,期望她向女兒跟進,「可能爹哋喺男人的角度睇就係鹹濕,覺得啲女俾人睇蝕晒,所以次次睇到都要話我知,o依家佢慢慢俾我感染到,無再出聲。」

三母女不飲酒,Kayla和Irisa合力調校一杯紅莓特飲孝敬母親,馬詩慧飲完一啖,即遞給女兒分甘同味。

 

王敏德最愛拍攝老婆仔女,記錄每個階段的回憶。