為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 留星語 2020 年 05 月 11 日

23年後的#後生仔 陸浩明

四十一歲,還可以是「後生仔」麼?
剛四十一歲的陸浩明,由九七年入新城電台實習起,擔任不同類型的主持、司儀,做了廿三年,最有Noise的,除了跟肥媽合作的《食平D》系列,不就是當《#後生仔傾吓偈》的主持麼?
「我讀大學時喺YMC(有線電視頻道)做talk show,差唔多廿年之後又做《#後生仔》,好似返番去自己讀書時嘅感覺。」
大學時修讀工業工程與工程管理學,陸浩明反而在娛樂圈闖出名堂,連危機管理也要處理。「年初嘅事(誤稱香港為沙士病毒源頭引起風波),係我入行以來最大嘅打擊,老土啲講,我係經一事長一智,????家事過境遷,但係我都係上咗好寶貴嘅一課。」
年齡從來只是數字,人生就是終身學習。學習,令人保持年輕,你學懂了沒有?

 

 

 

 

下把位

投身娛樂圈,廿多年來,陸浩明認為娛樂大家是其真正目的,所以不論在播映中的《健康食平D》,還是之前的一些綜藝節目,他也享受當「下把位」的角色。
「我冇乜所謂下把、上把,因為做下把幾好玩,我又鍾意同啲前輩合作,而且我唔會做一世嘅下把位,不斷有新人嘅出現,我總會有成為前輩嘅一日,到時我就可以嚟個轉身啦!
「o依家同阿媽(肥媽)合作,要盡快完成工作,唔係就達唔到佢嘅要求;佢又想同我有啲火花,於是喺拍第三輯嗰時,就叫我大膽啲,諗到咩都照講,我就係咁試佢嘅底線,等佢有時鬧吓我、抦吓我,觀眾鍾意睇,我又enjoy偷襲佢。」
幕前的Tom & Jerry,幕後的肥媽,是陸浩明的學習目標,他呷一口冰水,堅定地說:「義氣!阿媽嘅義氣係我要學嘅!有一次我朋友個細佬嘅太太生Cancer,個病嚟得好急,手術、化療都要做,同時我打俾阿媽,問佢識唔識人買箭豬棗,因為佢先生之前有需要用。佢話有三、四包喺身,但當日佢就要飛,於是我同個朋友即刻撲入機場,佢就將佢嗰幾包箭豬棗,俾晒我朋友,想俾番錢佢都唔收,仲話:『你食得好就得嘞!』。
「從呢件事我就覺得,o依家有好多人做一啲事,都會諗有冇利益、會唔會So到自己先,但阿媽唔係囉。」
說到跟前輩的緣份,就要從陸浩明於有線電視的日子說起。「嗰時我啱啱大學畢業,就俾公司安排去同肥媽做一個叫《有唱有跳》嘅節目,係一個類似《流行經典五十年》嘅音樂節目嚟嘅。有一次阿媽打電話聯絡咗小鳳姐,嗰時我乜都唔識,就懶friend咁問:『小鳳你近排忙啲乜嘢呀?』,一做完訪問,肥媽就抦我叫咗小鳳姐做小鳳。嗰時同阿媽唔熟,所以都幾驚o架。」

#3 拍了八年的《食平D》系列,令陸浩明跟肥媽拍出真感情,「一五年拍第三輯嘅時候,阿媽話佢得契女冇契仔,我就提議佢契我做仔,咁就攞咗佢嘅『第一次』。」

 

#5 在不少大Show中夥拍Do姐,他稱從前輩身上學到不少醒目東西,「佢會同後輩分享好多經驗,好犀利!」