為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 05 月 07 日

蔡堅力撼何仲平 醫學會爆藍黃對決

屬本港最大醫生組織嘅香港醫學會七月換屆。曾任四屆會長嘅蔡堅將重出江湖參選會長,力撼尋求連任嘅會長何仲平。蔡堅透露「翻兜」原因係因為唔同意過去兩年醫學會嘅處事方向,包括反修例事件同醫護罷工風波,希望「維持自主」。而何仲平都想「再坐一會」,主要有感過去兩年忙於為社會事件同疫情「救火」,想推行嘅工作都未做到。
蔡、何之爭已被會員視為一次「黃藍對決」。由於呢次換屆除涉及會長外,兩位副會長、司庫、秘書及幾個會董位亦同時進行改選。尋求連任嘅副會長鄭志文透露已加入蔡堅名單。另一邊廂,被視為「藍醫」嘅副會長林哲玄就加入何仲平名單。為壯聲勢,兩派人馬近日各自招兵買馬組閣參選,希望趕及喺六月二日截止前報名。
充滿對決味嘅醫學會選舉真係前所未見,有會員擔心選舉過後會引發退會潮。蔡堅就話,醫學會走邊條路由會員決定,形容佢同何仲平係「特朗普對習近平」,「彼此好老友。」何仲平話希望呢場係君子之爭,邊個輸贏都好,唔想影響同老友之間嘅多年感情!

七十二歲嘅蔡堅再度競逐會長,「醫學會走邊條路由會員決定!」

 

尋求連任嘅何仲平希望今次選舉是專業先行,而非「顏色之爭」!