為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 05 月 01 日

山系女神 陳欣妍

疫情持續,人人都要stay home齊心抗疫,靜靜地坐在家中睇電視的男人也增多了。
一個近乎完全是為男士們而拍、為男性觀眾謀福利的行山節目《美女郊遊遊》就此爆紅,兩位女主持Double S(因為陳欣妍和沈殷怡兩位主持,英文名都叫Shirley)更成為熱搜對象,成功在這個悶市突圍。
陳欣妍在「着三點式去行山」爆紅前,最為人熟悉的,其實是身為沈震軒女友,男友睇完她三點式行山後,可有微言?
「唔會,佢反而好高興,因為我終於有一個畀人認識嘅機會,而且大家都做娛樂圈,佢都好明白。」
對於被要求着三點式行山,陳欣妍又可有不開心?
「三點式行山其實係一段宣傳片,當時其實係去沙灘拍攝玩水,導演就話『順便』拍埋行山宣傳片,之後就喺愚人節播出嚟,十集節目根本就係得嗰一段,我只能夠話係好聰明嘅宣傳手法!你有睇就知,我哋真正行山時係全副裝備,非常專業o架!」
其實因為行山而人氣急升,應該多謝導演才是。
「真係多咗好多人識,之前出街遇上一家大細,小朋友會叫我Shirley姐姐,佢媽媽仲會搞笑咁話,嗱!呢個就係『淆底Shirley喇!』,多咗個花名,反而好開心呀!」

 

 

 

 

 

 

今時今日,所有女星都一樣,會不時在個人社交平台上載靚相。陳欣妍的IG就有不少靚相,「節目播出後,我的粉絲數真的爆升得好緊要!」

 

是非不斷理還亂

人紅自然是非多,近日陳欣妍就不斷被發掘「黑材料」,除了被指整容外,更有指她與父親關係不佳,其父更曾經拿着廚房刀表示要斬殺全家,努力考入大學是為了不讓父親拿她與「繼母」所生的兒子作比較。
「唉!我承認當時自己年紀細,可能諗法有啲偏激,當時好多嘢未諗清楚就講,講出嚟又亂。呢家大個咗,同爸爸、屋企人嘅關係都好好,我有努力去修好呢份緣。最大願望係努力工作,之後可以請全家人去旅行,亦算係可以盡孝道。」
至於被指整容,她則沒好氣地說:
「樣貌唔同咗,其實都好正常,佢哋係攞張八、九年前唔識打扮兼有baby fat嘅相出嚟比較話我整容,都冇所謂喇!總之大家覺得我靚咗就已經好開心,哈哈哈!」

 

 

《美女郊遊遊》近日成為最受歡迎電視節目,不少向來少睇電視的男性,都會乖乖坐定定睇兩位美女去行山,雖然相中的這種場面,十集加埋都係得幾分鐘。

 

雖然拍攝過的電影不算多,但去年她亦盛裝出席香港電影金像獎頒獎典禮。

 

一七年,沈震軒當時的新歌〈我很好〉就找來陳欣妍在MV中,飾演他的初戀女友,順理成章之後就變成現任女友。