為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 05 月 02 日

聶德權手震震 專家:可能係焦慮症

新聞稿風波後突然被調職去公務員事務局做局長嘅聶德權,近日被傳媒發現佢講嘢時隻手不斷震,仲震得幾嚴重。當事人似乎唔覺得有乜嘢問題,仲自嘲「不嬲都手震」。
到底咁震法係咪真係「冇嘢」?醫學會會董李福基醫生推測,手震其中一個原因,可能係患上焦慮症,「若然當事人無嚴重病史,手震可能同壓力、情緒焦慮有關,好多人上台表演、演講時都會手震,呢個唔係乜嘢嚴重疾病,食一種降血壓藥就有助減低手震;有些音樂家上台表演前都會食定藥。」
之不過手震仲有其他可能性,李福基話,部分患有甲狀腺亢進嘅病人亦會手震震;此外若然患上柏金遜症者,唔單止手震,腳同頭都會震埋一份。手震有時亦可能同患病無關,只係一種壞習慣,「呢個同鍾意印腳、戚眉等同出一轍,唔係乜嘢大病,亦無需食藥治療嘅。」到底聶德權手震嘅真正原因係邊一種,要問過佢先知嘞。

 

 

聶德權被發現講嘢時手震得好嚴重。

 

李福基醫生話,唔少人上台講嘢或表演時因為焦慮不安,雙手會不停震。