為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 05 月 01 日

Flow寸謝東閔「綠帽俠」 王喜揶揄朱智賢演技冇進步

朱智賢(Ashley)驚爆背男友謝東閔偷食人夫黎振燁(Jackson),有傳Jackson更為「小三」拋棄大肚妻!事件曝光兩日後,殘暴的Ashley昨日便於謝東閔的陪同下,現身將軍澳電視城開道歉記者會,隨後再接受《東張西望》獨家訪問,Ashley聲淚俱下自認演戲經驗少,故自覺「抽離唔到個色」而犯錯,並向《食腦喪B》監製及一眾演員致歉,希望大家能給予她機會;而日前才被Ashley降呢好友的謝東閔則將責任攬上身,自認經常掛住工作而忽略了女友,並承諾陪伴對方走過這段艱難的日子。無奈一眾網民似乎唔多Buy其「暖男」舉動,不少人留言指:「點解係謝東閔出嚟,而唔係黎振燁」、「唔明搵個緋聞男友出嚟解釋啲咩」、「企出嚟認戴綠帽」、「謝東閔其實都唔係太紅,忙乜鬼」、「佢似畀TVB迫出嚟扮好男人」等。

朱智賢昨日在謝東閔陪同下開道歉記招,事後二人卻遭外界批評。

 

對於Jackson出軌一事,有網民認為應該褫奪其港男冠軍資格。

 

對此,不時於社交平台發表意見的王喜,今日凌晨都忍不住於Facebook留言寸Ashley:「抽離唔到角色?哈~~~畀你撈到個角色鍾意食屎咁阿伯母咪慳好多米飯?公司咁多過來人前輩做過咁多示範,你都毫無進步,以後點偷食,噢,sorry,點搵食?」至於跟黎振燁同屆港男出身的梁裕恆(Flow Leung)亦於Facebook連環出Po轟3位當事人,他先揶揄Ashley:「抽離唔到角色,好彩佢唔係演殺人犯。」後恨批製造「綠帽俠」此角色去拆局太不智,認為完全違反常理和人性,是過份虛偽的詭辯,並寸「綠帽俠」之稱號,謝東閔實在當之無愧,Flow爆粗說:「畀着我一定會XX個X街冚X剷老婆大住個肚仲去搞我條女,唔會稱呼對方為黎生,冚X剷就冚X剷,唔會出嚟話因為自己太忙小咗時間陪女朋友,所以佢出軌!講到合情合理咁!雖然好多網民寸佢有幾忙?但就算真係忙,兩個人一齊咪傾囉,講出口想多啲見面,而唔係去偷食解決,除非男方都係忙住偷食就冇嘢好講!」

Flow揶揄朱智賢:「抽離唔到角色,好彩佢唔係演殺人犯。」

 

Flow認為做人應該要有這條底線!

 

Flow指謝東閔獲封「綠帽俠」實在當之無愧。

 

對於Jackson出軌一事,有網民認為應該褫奪其港男冠軍資格,Flow則表示:「真心想佢改番名叫『TVB先生冠軍』,唔好侮辱咗香港人。」有報道指事發後,Jackson已第一時間向下月生B的太太下跪認錯,最終黎太都原諒了老公,而TVB方面原先亦安排二人現身記招,惟黎太昨晨突感肚痛不適而甩底,Flow就鬧爆:「呢刻仲要為咗自己嘅名利叫個老婆出嚟做大龍鳳黎太真係好慘,仲唔夠醜,人哋唔係撈呢行o架,要做戲自己做啦!條友仔留得喺呢個圈一定有下次,只有零次同無限次!公眾人物有社會責任,冇得賺觀眾錢時就關我哋事,佢哋做錯時就家事唔關觀眾事。」又認為若非因偷食斷正,Jackson早已拋妻棄子離婚,最慘是肚裏的BB,他說:「男人或女人都會情感或慾念失控,好正常!但不要破壞一個有小孩的家庭,更加唔好要一個未出世嘅BB去承受你班大人淫亂嘅罪!做人應該要有這條底線!」

王喜於Facebook留言寸朱智賢:「抽離唔到角色?」

 

 

 

朱智賢日前被爆偷食人夫黎振燁,更強調謝東閔是好朋友,不過昨日二人卻以情侶姿態出席記者會及接受《東張西望》訪問。