阿蘇食譜： 乾炒牛河

雖然最近的疫情，好似有暫緩的情況，但大家都不能夠掉以輕心，盡量避免人群聚集，多留在家中。疫情期間，在家中閒着無事，總要搵啲搞作，一係去行山一係煮嘢食。
講到煮餸跟邊個學好？第一時間當然想到我的老友記蘇施黃，之前在她家中吃過一頓晚飯，至今都念念不忘。於是上網搵蘇施黃食譜研究一下，決定跟佢學一學乾炒牛河。
我一直以為，乾炒牛河是一樣很簡單的家常菜式，河粉牛肉炒埋一碟，但每次在家中都失敗收場，不是黏作一團，就是味道不對。
今次一看蘇施黃的教學，原來發現自己之前的材料和步驟，全部都錯！乾炒牛河的醬油很重要，河粉亦要逐條撕開才可落鑊炒，當然一個靚鑊亦好重要。
最近疫情橫行，留在家中時間多了，把心一橫決定買過一套靚廚具，好讓我大顯身手。第一次成功製作的乾炒牛河，我自己都十分滿意，雖然未至於一百分，但我覺得亦有九十分呢。

第一次成功製作的乾炒牛河，我也感到滿意。

然後將河粉每條分開，整鬆佢，再將配料洋蔥、蔥、韮黃切好備用。

首先要將牛肉醃好，用蠔油、胡椒粉、生抽、老抽、麻油，加少少高湯攪勻。

芽菜加適量麻油和油烚十五秒左右撈起備用。最後炒河粉，起鑊落油，將河粉炒熱，然後最重要有「草菰老抽」，最後才加入牛肉炒熟完成。

大家可以在家中，跟着阿蘇的食譜試一試。