為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 04 月 29 日

慧食專家 陳慧儀

在新冠肺炎疫情影響下,各行各業均大受影響。早年曾赴東南亞學整海藻啫喱花蛋糕,近年當上食品工場老闆的陳慧儀(Vindy),回想在農曆年間忙到「甩轆」,豈會估到新年後,世界已變了樣!
曾加入娛圈,又曾做過財經評論員的Vindy,坦言對娛圈毫不留戀,「一世人唔係得一樣嘢,就算係財經,我曾經鍾意到黐線,o依家都係完全唔想再接觸。現時我全情投入喺我啲啫喱蛋糕,同埋學生身上咋!」
雖然近月生意額跌近七成,其蛋糕班亦早已停課,但為食又喜歡鑽研食物的她就表示︰「我教班唔係為錢,搞食品工場亦係為興趣去做。我份人鍾意挑戰,幫客諗啲天馬行空嘢,人哋做唔到,我做到,好有滿足感。」

陳慧儀近年大搞食品生意,又開班教整甜品,現時在西環及旺角亦有門市。

 

現時她只需十四秒,便製作到一個小型啫喱花蛋糕,技術爐火純青。

 

飛越南學師

相約陳慧儀在她位於西營盤的甜品舖做訪問,舖面地方不算太大,裏面有個小廚房,用來準備食材,她說那兒平日主要用來教課、做食品包裝等,其製作工場則位於大埔。「呢門手藝(海藻啫喱花蛋糕)易學難精,我試過幾晚通頂鑽研整法。我鍾意一樣嘢會癲,但如果有日唔鍾意,就會抽身而去。」
喜歡鑽研新事物的她,除了學整甜品,早年亦曾經飛到意大利學習燒玻璃,又去韓國學唧花(蛋糕),她說初心只為興趣。「呢啲嘢喺外人眼中係無咩用,不過我鍾意囉!例如喺餐廳食完個雞煲,我會研究點樣煮番出嚟,但絕對唔係日日三餸一湯嗰種。不過我都有拿手菜嘅,好似焗叉燒,次次預咗兩斤幾,朋友都話唔夠食,都幾有滿足感嘅!」
入行之前,她直言對飲食業毫無概念,由教整甜品到經營食品工場,一切都很隨緣。「五年前,我第一次喺網上見到海藻啫喱花,覺得好靚,知道越南有人教,於是我狂Send短訊俾啲越南老師,當然係無人覆我。最後我託當地導遊搵,搵左好耐,終於俾我搵到一位師傅肯教,咁我就飛過去學,大大話話,我都跟過十幾位師傅學藝!」

 

她與鄭丹瑞老友鬼鬼,其甜品店新開張,阿旦當然有出席撐場。

 

現有門生三千的她,不時受邀授課,並參與慈善義教。