為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 04 月 23 日

發起嗌救命搵幫手演唱會 周啟生為身陷絶境樂手籌款

繼許冠傑搞咗個Online Concert為通利失業技師籌款後,音樂人周啟生亦喺6月1日舉行「愛港@你+我」網上音樂會。

新冠肺炎全球大流行,香港過百場演唱會被取消,一班沒有固定收入的職業樂手首當其衝,繼「歌神」許冠傑搞咗個Online Concert為通利失業技師籌款後,入行40多年音樂人周啟生,數年前成立咗個「音樂人飲茶會」,凝聚前輩音樂人,眼見兄弟們的慘況,周啟生決定於6月1日,59歲生日當天,舉行「愛港@你+我」網上音樂會,他強調係一個嗌救命搵幫手嘅演唱會,而唔係籌款演唱會。

他表示,今次最緊要係幫到身陷絶境嘅香港職業樂手,亦可以畀到士氣佢哋:「好多音樂人好大花筒,又冇積蓄,仲要租屋住,之前社會運動,蘭桂坊夜場經已受到衝擊,o依家關閉晒夜場,有好幾個朋友話有半年完全冇工開,佢哋生活拮据得令人好擔心,好需要應急錢,初步目標籌到有25萬,可以分到畀50個本地樂手,每人5000蚊,等佢哋撐住先,捱到政府派嗰一萬蚊。當然應急錢愈多愈好,咁就可以幫到更多樂手。

由於成事件由構思到起動唔夠三日,連演出場地都未有,預計會唱10幾首歌,不過好多謝陳龍華做義務監製,黃龍德會計師事務所捐錢,兼免費做核數,百鳴哥(黃百鳴)半夜就回覆話捐錢,仲係一筆可觀數字。對於Sam Hui Online Concert都惹來負評,指他係「上一年代嘅產物」,周啟生就話唔怕:「我都就快59歲,都好out,人老但有用,對阿Sam係有讚冇彈嘅。」

電影人黃百鳴亦應捐了一筆可觀數字。