為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 04 月 24 日

酒吧涉改建被查 陳淑莊「聚眾」累人

公民黨立法會議員陳淑莊與黨友林瑞華等四十人,早前被踢爆深夜聚集酒吧,涉違反「限聚令」。陳淑莊初時死撐話自己係立法會議員,同人開會可以豁免,結果畀政府反駁她並無特權,佢即刻龜縮唔出聲,之但係涉事酒吧就畀佢連累,惹上唔少麻煩。
首先係有人舉報酒吧疑違法拆去舖內一幅間隔牆,又話佢門口有僭建物兼無按法例設無障礙通道,搞到屋宇署、食環署同地政總署等部門都要開快勞跟進。
至於警方亦要繼續調查陳淑莊嘅「限聚」事件,上星期就攞住搜查令去酒吧,檢走一部電腦等證物,試圖還原電腦資料,起出事發當晚酒吧的閉路電視錄影紀錄,一旦搵到證據,唔排除會落案控告涉違「限聚令」嘅人。

警方上周到涉違「限聚令」的酒吧調查,並檢走一部電腦。