為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 04 月 25 日

迎嵐而上 陳繹嵐

今時今日,有甚麼比健康更重要?為了健康,名模陳嘉容(Eunis)最近特別找高人改名為陳繹嵐,實行要靚亦要命。
近年發展網上美容及時裝生意的Eunis,積極打造其扮靚王國,經常在社交平台分享扮靚及養生心得,雖然現因疫情而全面停工,但她宅在家中,做運動、煮飯仔,一樣自得其樂,更有機會學鋼琴增值自己,「我信有危必有機,呢段時間好好準備自己,機會一來,就可以再出發啦!」
疫境之下,正好讓人好好計劃未來動向。迎難而上,一向是陳繹嵐的座右銘。

名模陳繹嵐一向愛做運動,直言「唔做會身痕」,現時跑步已變成她的抗疫日常。

 

為健康改名

改名的原因有很多,最常見莫過於是想改善運程,而陳嘉容改名為陳繹嵐的原因很簡單,就是大家最近的共同願望︰身體健康!其實,「陳嘉容」亦非其真名,她原名為「陳寶芬」,再度改名,可說是緣份。
「呢個名(陳繹嵐)係一位台灣高人幫我改嘅,希望改咗名之後,能夠改善我一啲婦科問題,因為周期不適困擾咗我好幾年,可能以前後生捱壞咗身體,o依家就有後遺症。我會考慮改埋身份證,徹底一啲!咁大家以後就叫我繹嵐,或者叫我嵐嵐我都接受,唔好嗌錯嘞!」
為了健康,除了改名以外,Eunis近年亦勤做運動。平日去慣健身室的她,因疫情關係,近日多了落街跑步,訪問當天,她便去寶雲道慢跑,即使沿斜路行上山,亦未見她氣喘,「o依家我每朝八點幾起身,煮嘢食,然後做瑜伽,或者落街跑步,每次跑個幾鐘,出身大汗就好開心。之後返屋企做吓Social Media、寫嘢、睇書,咁又一日。有時都會去街市買餸,不過我都盡量一次買幾日份量,唔使出咁多街嘛!」
雖然疫情令很多工作都要暫停,不過Eunis說,仍可透過社交平台繼續工作,未算全面停工。「本來新年後,我會幫ViuTV拍節目,但o依家仲未知幾時可以開工,不過其實好多產品宣傳,o依家都可以喺網上做,所以問題唔大,只係一啲傾好嘅嘢要延期。好在我一向有儲開錢,同埋有些少投資,o依家(經濟上)仲頂得順,我知好多人仲慘過我,呢段時間當係喺屋企做好準備,休養生息囉,機會係留俾有準備嘅人,所以我無偷懶o架,Keep住做運動。」

 

從她家中行上寶雲道健身徑,只需十五分鐘,做開運動的她,拉筋熱身無難度。

 

她說做瑜伽令她身心放鬆,是留家的最佳活動。