為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 04 月 17 日

踩過界促醫專減費 何仲平:為兄弟好

政府宣布第二輪抗疫基金措施,豁免醫護三年嘅註冊費用,香港醫學會都宣布減免會員四百元會費。會長何仲平話,金額聽落唔算多,旨在盡點心意,同會員共渡時艱,佢日前仲寫埋信畀香港醫學專科學院,呼籲佢哋一齊減會費。
之不過話晒係隔籬會,應該唔關佢事,加上醫專會費收幾千元,跨會叫同行減費,算唔算踩過界?何仲平就幽默回應:「我哋兩個會向來老友,加上疫情嚴重,減費都係為班兄弟好,相信成事機會大嘅。」佢又慨歎醫學會十幾年無收過會費,本來計劃今年稍後徵收,點知疫情殺到令醫生收入銳減,索性唔收嘞。咁醫專到底會否跟隨?本刊曾向該會查詢,但直至截稿前仍未有回覆。

 

 

何仲平發信呼籲香港醫學專科學院齊減收會費。