新冠大廚

COVID-19 持續，前線防疫、醫護人員呢個星期繼續謹守崗位，上星期五亦響應了「為香港鼓掌」，藉此讓他們知道，全港巿民同步在鼓勵和答謝，同時也為香港打打氣，注入正能量！
為了遵守政府指示，呢個禮拜如非必要，我都會選擇留喺屋企，避免聚餐。

平時我比較少親自下廚，但於疫情之下，自我增值，我也為自己和家人，煮番兩味。

趁現在多咗時間在家，是時候要好好鑽研一下廚藝，搜羅一啲簡單美味又健康的食譜，為自己和家人煮番兩味，享受一下家庭樂。
推介一下我今期嘅至愛：海鹽粵皇雞。
雖然鍾意食，但其實我比較怕麻煩，好少親自下廚，所以這步驟簡單、味道十足嘅菜式就最合適不過！
今日就等我教大家點樣可以於疫情之下，自我增值，做一個新冠疫情下的大廚：新冠大廚！
希望疫情快啲緩和，香港回復昔日光彩！其實留喺屋企都可以好多嘢做，睇書、下廚又或者學一門新手藝，時間好快就會過！

雞大約一斤半左右，細細隻，可以當主菜，或者每人一份亦可以。 將雞隻洗好後，切頭切尾不要，印乾水待用。

配料：海鹽 （份量大約一斤）、花椒 （四両）、八角（四両）。花椒不用洗，保持乾身，為了令雞更加入味，我會將八角切細份，沿着八隻角切開四份或者八份亦可。

將配料放入一個乾的鍋炒香，緊記唔需要落油，大概炒八至十分鐘就可以放涼待用。將炒好的配料適量均勻地搽上每一隻雞 （不要太鹹），然後每隻雞分開裝入獨立的保鮮袋，再放入冰箱，醃大概七日左右就夠入味。要煮的時候，下一步，先解凍，後風乾。

大概等一分鐘左右就可以切件。但由於太香太美味，我通常會一人一隻，不用切件，原隻食，加一碗清菜或湯就一餐！

如果平時返工，臨出門前將醃好嘅海鹽雞放於廚房窗邊解凍，返到屋企，半個鐘就可以開餐！方便、快捷、健康又有營養。如果一隻雞份量太多，剩低嘅可以用來煲粥！