為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2020 年 04 月 08 日

疫流關公

新冠肺炎疫情橫掃全球,影響各行各業,政府近日審時度勢,推出連串防疫招數,限制四人以上聚集,令原本跌到只有零星的公關活動,馬上全部煞停。身為公關公司老闆的鄭紹康(Francis)和丁子高(Real),面對疫境仍然堅持疫流而上,保住員工和公司。鄭紹康更每天諗計如何自救,「我做咗呢行二十年,喺危機處理中出生,化解過大大小小突發嘅事,有危就有機,相信今次一樣搞得掂。」而丁子高剛與太太楊千嬅及兒子從外地返港,正家居隔離,身為老闆的他亦做足準備,「o依家以靜制動,我上年已為公司預留一份應急資金,以應付突發事件,o依家係唔知捱到幾時。」

逆市求存,鄭紹康坦言不敢鬆懈,「我保持正面樂觀心態,對公關同業會互相問候,我叫佢哋唔使擔心,佢哋無生意,我都無生意,哈!」

 

鄭紹康有危自有機

鄭紹康(Francis)加入公關界二十年,歷盡過無數起跌,對於今次新冠肺炎席捲全球,他坦言:「o依家係最嚴冬嘅時候,希望一齊同公司捱過去。當年沙士都得人驚,但只係地區性,今次係全球性,加上o依家資訊發達,秒秒鐘都有最新消息,疫情會有日減退,但意志力唔可以減退。」
他的客戶包括餐飲業、美容及健身纖體中心,隨着疫症爆發,所有活動都要延期;而以月費形式訂下的合約,亦全部凍結,令他損失近九成生意,但他依然繼續與客戶緊密聯繫,希望保持合作關係,「Event全部延期,之後或者改小型,減少人群聚集。大啲嘅公司會轉數碼宣傳,我做生意都講良心,會額外再送多啲嘢,希望keep住啲客。o依家我成日WhatsApp佢哋問候吓,呢段時間個個都留喺香港,如果肯出嚟,就約到見面食飯。有啲網友好搞笑,成日話我又出街食飯,咁我都要支持香港飲食業,多啲出去食飯,四人的小型聚會,做足衞生措施囉!」

訪問當日,只有他和另一拍檔在公司,其他同事則home office。他為每位同事搜羅口罩和防疫用品,進入辦公室前必須要消毒,確保衞生。

 

相識滿天下的他,出外吃飯,不時撞到朋友,這天偶遇佘詩曼和蘇施黃,他說:「縱使三個人三張枱,有緣總會遇上!」