為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 04 月 02 日

疫市休店 外賣自救 楊貫一:人生見過最大嘅風浪

新冠肺炎疫情橫掃全球,對香港各行各業的影響開始陸續浮現,在疫市下,企業裁員、減薪、結業消息不絕於耳,堅持營運的都要設法自救。
飲食業巨頭、阿一鮑魚創辦人楊貫一,與Carsac主席虞茱迪近日都在不裁員的大前提下,努力諗計,逆流而上,其中一哥就出動私人座駕,變身飯店的外賣車;而虞茱迪則堅持不裁員不減薪,實行保住員工的飯碗,齊上齊落,一起走出疫情陰霾。

晚市剩兩枱食客

楊貫一掌舵的富臨飯店,去年獲頒米芝蓮三星榮譽,原本年初生意在社會運動逐漸平復後,已見好轉,但一場肺炎疫情,又令飯店財政再度見紅,當中晚市生意更加是斷崖式下跌,最差一晚只剩下一、兩枱客人。
已年屆八十八歲的一哥,於疫情下,仍然堅持每日早上十時,便返回飯店打點。訪問當日,正值午市時間,戴上口罩的一哥,在大廳逐枱跟客人打過招呼後,才安心坐下午餐。多年來見慣風浪的他,說起今次疫情,亦不禁皺起眉頭說:「真係好慘!今次個浪嚟得快又急,係咁多年嚟見過最大嘅一個,好多同行都唔掂,收檔嘅收檔,未收檔嘅都係蝕住做。以前開飯店,你啲食物好,自然就有人嚟啦,但o依家啲人都唔敢落街,個個匿晒喺屋企,仲邊有生意吖,午市仲可以嘅,但晚市就得番幾枱客……」

訪問期間,有熟客直接致電一哥手機落單叫點心,「都係啲老友支持,呢段時間大家都唔敢出街。」

 

一哥座駕送外賣

眼見生意每況愈下,一哥於是速速想出應對措施,早於二月初已推出外賣送餐服務,三月初開始,飯店更逢周一、二休店,以節省營運成本。本周一起,更因應政府宣布食肆人數限制措施,而決定休店十三日。
這天,坐在一哥身旁的飯店營運經理CK,和行政總廚黃隆滔,說出一堆救亡大計,「o依家唯有咩都做,賺唔賺錢已經唔係重點,最緊要有收入營運到。基本上餐牌上有嘅菜式,我哋都可以外賣,無論港九新界,離島除外,只要晚上八點鐘前落order,兩小時內就會送到。」
全人類上下一心,就連一哥日常的專用座駕,亦被徵用作外賣車,一哥笑說:「連我架車都要攞埋去!」黃隆滔笑說:「橫掂架車同司機平日都係擺喺度,總之用到一哥八點鐘返屋企前,就要還番架車俾佢。」
話口未完,一哥手機即響起,原來有老顧客直接致電他,落order叫點心作下午茶,一哥邊食叉燒包,邊豎起手指公笑說:「呢度啲點心好靚,好多熟客都好捧場,嚟唔到,都打電話嚟叫外賣;我哋做好咗,包好即刻送過去俾佢。晚市冇乜生意,我通常留到八點左右,就返屋企休息。o依家放假都好少出街咯,亦唔敢出去,怕屋企人擔心,早排有朋友新店開張請我去,我都婉拒咗!」

 

 

 

連一哥座駕也被徵用送外賣,員工包好點心,便火速到停車場登車,將食物送到客人府上。