為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 04 月 01 日

政府推「限桌令」黃店即內訌

持續數個月嘅反修例風波,多家「黃店」食肆月前紛紛組成聯盟,拉攏三百多家食肆加入。喺抗疫呢仗下,聯盟成員分頭撲口罩,更一度擬推舉一位姓葉的小店老闆做代表,想佢出選立會代表飲食界的功能組別議席,挑機張宇人。不過因為政府力推「限桌令」和「禁聚令」,即搞到佢哋出現內訌。反而張就幫到業界出聲。
事源「黃店聯盟」日前因為應否表態狠批政府嘅「限桌令」拗到面紅耳熱,有疑似黃店力谷嘅候選人因為唔肯做「出頭鳥」,最終被聯盟「狠飛出局」。有傳聯盟正物色Plan B人選,但講到明「公民黨不代表黃店」,似乎一場內鬥隨時一觸即發。
自從政府推出「限桌令」及「禁聚令」,有人擔心企得太前會成為被打壓對象,日前開會時就拒絕做「出頭鳥」。知情人士爆料話:「當晚開會氣氛都幾僵,有人突然縮沙,話同政府講乜都無用,幫唔到件事,又話擔心得罪政府會被報復等等。其他黃店老闆聽完嬲到震,覺得佢無承擔,點旨意佢代表聯盟打仗?」

「限桌令」下食肆生意大受打擊,業界希望疫情盡快退卻,給予喘息機會。

 

黃店組成嘅聯盟近排頻頻開會商討抗疫對策,但每次開會都無預林瑞華份。

 


泛民磨刀霍霍想搶飲食界個位,公民黨就擬推舉火鍋店東主林瑞華上位,佢近排以中小食店聯盟召集人身份,四圍拉攏「黃店」泊佢碼頭,但號召力只係一般。有黃店聯盟代表揶揄佢喺疫情中無乜出力為業界撲口罩,只間中開吓記招講幾句話,早已視佢為局外人,開會亦唔預佢。
講番飲食界喺「限桌令」情況,稻苗學會主席徐汶緯慨歎,雖然外賣生意增加二、三成,但堂食生意普遍跌七、八成,「最慘係前線員工承受好大壓力,有食客拒絕帶口罩入座,同員工起衝突,最終驚動商場保安。」至於飲食界立法會議員張宇人,最近亦忙個不停,近日聯同多家食肆老闆會見發展商爭取減租,又會見多個飲食界商會,推動八項自發防疫措施,包括晚上六時半後減一半座位、拒絕讓戴有強制檢疫手帶人士進入等,在政府仍未推出「限桌令」,已成功獲得逾千間食肆響應。張宇人亦繼續促請政府為業界推出紓困措施,如提供津貼以支持租金、薪金及差餉補貼等。

張宇人促請當局為業界推出紓困措施。