為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2020 年 03 月 31 日

關慧玲

《東周刊》社長兼總編輯。

自我隔離都有靚餸開飯

醫管局前主席梁智仁(下圖)月前退下火線,一月就和太太去咗英國探仔順便小住,避開香港的風風雨雨。
初到埗時英國疫情不是那麼嚴重,大家仲好輕鬆,只有零星個案,佢哋除了住在倫敦也有到處觀光。當地人普遍覺得有病才要戴口罩,不似香港搶口罩搶到癲,不過佢日日留意住新聞,隨着事情急速發展,意大利感染個案大增,聽埋英國首相約翰遜的佛系抗疫法,他知道己經打到來,決定提前回港。佢好清楚疫情一旦爆發,唔止床位難求,連食住都可能好麻煩,還是返香港穩陣,起碼有需要都搵到人幫手。

 

 


歐洲四通八達,一榮俱榮,一損俱損。他很熟悉英國人有蒲PUB的文化,鍾意返屋企前飲兩杯,和朋友吹水交頭接耳,又往往逗留超過一個鐘,是細菌傳播溫床。佢話自己唔係公共衞生專家,不過覺得兩大方法可以救命,就是暫時截斷國與國之間的人流往來,和保持社交距離,避免更大感染。其實在英國要突然停課亦有難度,因為父母大部分兩人都要工作,英國家庭亦多數沒工人,無學返的兒童就要獨留在家,無人照顧。他相信經此一疫,好多日常生活習慣都會改變。
兩夫婦雖然提早回港,卻趕上入境後自我隔離十四日的規定,佢初時有點擔心,因為網上謠言滿天飛,話要等足十個鐘,又要走過多重關卡,咁多人迫在一起不增加感染風險才怪,點知一落機,卻見到井然有序的安排,不到半小時已登記好並帶埋手帶,據佢所見負責人員無停手默默做,效率很高。其實政府做得唔好可以批評,但做得好的亦應該鼓勵吓。
這十四日,梁智仁留在家隔離,吃的、日用的怎算?好在梁太許安璞有計,佢打去相熟超市找經理入貨,然後將錢用信封入好放在門口,讓管理員拿走替她付錢,再將貨品送到她家門前;鄰居又送來各式燒味和新鮮食物,她躲在家依然日日有靚餸開飯。梁太仲笑話,這十四日可以大條道理日日瞓晏覺,唔會畀人話躲懶,更重要是唔使為要辯論上不上街去邊度,而同佢家中老爺(梁智仁)爭執啦!