為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 03 月 27 日

岑麗香晒一家三口全家福 好温馨! 

岑麗香(香香)與金融才俊老公Joshua(強強)結婚3年多,自去年3月誕下兒子Jacob後,便減少工作專心湊仔,至近日她終於回巢為TVB新劇《BB大晒》擔正。日前出席公開活動時,講到B仔的1歲生日,香香透露除了一家人食飯慶祝外,更為囝囝安排了「Cake smash」儀式,並將整個過程拍下來留念,而今日她就於社交網分享這輯照片,又留言:「One little birthday for you, one lifetime memory for us. Forgot to post these, better late than never. #thatbelly #cakesmash」

相中一家三口都有出鏡,肥嘟嘟、凸晒腩的Jacob就坐在地上徒手食蛋糕,他不單止食到手手腳腳都污槽晒,仲連凌亂嘅頭髮都黐晒Cream,非常為食!之後,Jacob亦有同恐龍公仔合照,他更學隻公仔依起棚牙笑,表情趣怪;最後,香香就抱住洗完白白的Jacob合照,場面溫馨,一眾圈中好友宋熙年、鍾嘉欣、單文柔、劉佩玥等,紛紛留言讚可愛兼送上祝福。

 

 

 

 

 

 

岑麗香於社交網晒囝囝Cake smash照。

 

 

 

趁囝囝1歲生日,早前一家三口去影全家福。

 

 

 

Jacob學隻恐龍公仔依起棚牙笑,So cute!

 

 

 

之後徒手食到全身都污槽晒!