為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 03 月 27 日

合照老公繼續唔見影 楊思琦晒萌爆B仔初生寫真

現年41歲的楊思琦去年驚爆佗B兼秘嫁圈外老公,並於上月12日宣佈已大誕下囝囝「豬豬」。今日,思琦於社交網貼出囝囝的初生寫真,相中B仔全程瞓住覺影,思琦亦為囝囝換上多個造型,其中更化身「熊仔」,非常可愛!而同母異父的家姐楊卓穎(Krystal)也有出鏡,但至今身份成謎的BB生父,就繼續「冇影」,思琦都沒有公開一家四口全家福!

思琦留言:「今次mummy帶我去影『寫真』!嘩!係『初生寫真』啊!第一次影靚仔相,勁開心!哈哈,原來有幾個造型????!你哋鍾意邊款多啲?又有咁多靚姐姐同我着靚衫、扮型仔,幫我開暖氣,打靚燈!個個都錫晒我,對我好好喔!最驚喜係,原來佢哋仲安排咗一張超舒服的床牀畀我瞓!等我全程可以瞓住覺嚟影相,秉承我豬豬一向『貪睡』的本色,真係好嘆呀……加埋豬豬family的成員一齊陪住我影相實在太開心呢!等我可以留住美好一刻!返去要飲多幾樽奶慶祝先得yeah。」

事後思琦回覆傳媒稱,雖然新冠肺炎肆虐,都擔心囝囝出街受感染,但因BB每日大都有好多不同變化,好希望影低留作紀念,加上拍攝地點已全面消毒,工作人員即攝影師均戴上口罩,故也放心為BB影靚相。

楊思琦稱佗B時已想為囝囝影輯靚相。

 

日前,楊思琦終於帶囝囝去影了一輯初生寫真。

 

 

 

 

 

 

 

8歲大女楊卓穎(左)都有出鏡,不過仍未見BB爸爸露面。

 

 

 

 

 

思琦坦言雖然新冠肺炎肆虐,都擔心囝囝出街受感染,但因BB每日大都有好多不同變化,好希望影低留作紀念。