為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 留星語 2020 年 03 月 31 日

上天為我開的那道門 陳慧敏

一道門的打開,有時並非因為某扇窗關上了。
三十歲的陳慧敏,入行十年,雖不是天后級數,但「慧敏哥」還是有其個人魅力,去年她決定自組公司發展,便趁着空檔時間,給自己一個悠長假期,獨遊絲綢之路一百日。
「呢個Trip滿足咗我由細到大,都想去流浪嘅心願,出發前後都好多奇遇,好多嘢我都好難解釋。期間高高低低、起起跌跌,每次當我經歷咗唔好嘅事,之後總會有好嘢發生。」
最有代表性的,大概要數她於埃及被非禮後,去到土耳其,卻意外地遇上來自危地馬拉、相傳家當只得四萬港幣的同齡背包客,後來更成了其男朋友。
「哈哈!我諗o依家會多少少啩,佢喺土耳其搵到嘢做嘞!埃及發生嘅事,令我經一事長一智;我男朋友就提醒我,每一日都要享受當下,就算只係食咗隻蛋、飲咗杯咖啡,都可以好開心。」
相比要買得起灣仔某個不足六百呎,卻索價1,600萬的單位才能「開心」,陳慧敏的快樂,源於生活的根本,其實這「一扇門」,可以由自己打開吧。

 

 

因為事業上的變化,令她可以放一個悠長假期,她於去年九月初出發,目的地以絲綢之路作藍本,進行一百日獨遊之旅。她從西安起步,途經敦煌、新疆、巴基斯坦、印度、伊朗、埃及,最後以土耳其作尾站。

 

玄奘‧絲路‧100日

生於澳門的陳慧敏,跟不少香港年輕人一樣,有一顆流浪遊的心。「我細細個就好想去流浪,但一直都只係掛喺口邊,直到一九年我要轉型,要自己建立一間公司,所以我就想喺進行一個大轉變之前,去流浪搵吓新方向、新衝擊。」
雖然她本人沒有宗教信仰,但說起出發前的奇遇,她還是嘖嘖稱奇,「嗰段時期我愛上睇關於歷史嘅書,其中一本關於絲綢之路嘅,喺揀目的地嘅時候,我就『叮』一聲揀咗去絲綢之路。
「而實行呢個流浪行之前,我去過台中旅行,喺玄光寺拜過唐玄奘;返到澳門,我陪媽咪還神,求咗嗰支籤都係關於唐玄奘,好似去取西經咁。籤文仲話,觀音會喺旅程中保佑我。」
選擇以一百天為旅程的「期限」,陳慧敏稱:「就係想好似100%咁,完成一件事。不過當時我啲朋友,知道我自己一個人去巴基斯坦、印度嗰啲國家,個個都講到我好似去自盡咁⋯⋯我當然有擔心過,但我同自己講唔好諗!因為一諗,個人就會驚,一驚就好多嘢都冇勇氣去做。就係因為有太多人話唔得,我就偏偏想知道係咪真係唔可以一個人去呢?」

 

陳慧敏跟男友P先生眼前的,不止是二人之間的七千四百九十五公里的地理距離,但她對戀情充滿信心。

 

陳慧敏稱男友提醒自己要享受當下,明顯地,這個當下的她,正在享受女朋友視覺的P先生。