為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 03 月 31 日

李彩華晒恩愛派口罩

李彩華(Rain)連同老公Eric、胡渭康及前經理人趙雪英等,日前去大埔屋邨出錢山力派發口罩畀長者。活動雖然下午三點先開始,但大隊提前兩個多小時前抵達,大家分工合作set枱、掛海報、搬貨及安排程序;繼而大班人一齊開餐,醫飽個肚就正式開工。
去年結婚嘅Rain,首次帶同老公出席活動,席間大晒恩愛,老公仲親自幫佢戴上手套,又用手機拍下現場嘅情況。佢哋原定今年補擺喜酒,但受疫情影響而延期。Rain就話︰「好彩未訂場地,等疫情穩定先再計劃,都唔急嘅。」佢仲透露夫妻多留家避疫,外出會做足防疫措施,佢更必備防疫五寶,「人多嘅地方,我一定會戴口罩、消毒護手cream、空氣清新機、精油消毒噴劑同手套,夠晒安全!」
今次活動搞手趙雪英,已經係第二次派口罩,佢同東姑坦言︰「我、Rain同王祖藍等,現金夾埋捐咗約廿萬,大埔呢度會派二萬個口罩;另外,有五千個交咗畀胡渭康,捐畀聾人協會。其實之前農曆新年時,都喺大埔派咗二萬幾個,呢啲活動好有意義,幫到好多人!祖藍本來都想嚟,但佢喺加拿大未返港。我哋嚟緊加碼,有五萬個口罩返嚟,Rain都再捐多一萬個,遲啲再派!」

開工前,Eric小心翼翼咁替老婆Rain戴上手套。

 

Rain跟老公飲茶醫肚,佢指二人近日留家避疫,閒時玩煮飯仔及一齊打機跳舞,消磨時間。

 

出錢出力嘅Rain,當日除咗捐出一萬個口罩,又落手落腳幫手搬貨。

 

Rain帶老公(右一)、阿媽(右二),連同胡渭康(左二)、前經理人趙雪英(左三)同其兒子(左一)到大埔屋邨,大派口罩。