為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 03 月 30 日

李泳豪行街執筍盤

喺《愛•回家之開心速遞》入面,李泳豪飾演初戀café嘅夥計豪仔,做侍應成日受人氣。不過,現實中,佢兩年前已經榮升做食店老闆,一八年喺旺角開咗間日式烤肉店,舊年又拍住老竇李家鼎同阿哥李泳漢,喺旺角開多一間拉麵屋。拉麵店開業一年,算係做得有聲色,佢班《愛•回家》同事仲成日拉大隊去捧場。嚟緊,佢又同友人喺山頂廣場開設高級茶餐廳,唔怕「疫」市,再下一城。
日前,東姑發現李泳豪,一個人戴住頂cap帽,孭住個袋仔,着到成身黑色,神神秘秘喺九龍城行來行去。每當行過啲吉舖時,佢就會八卦係咁望;期間,佢行行吓仲會行出馬路,四圍咁????,????完就走番行人路,然後沉思一陣。睇嚟,生意大計多多嘅佢,想趁疫情租金大跌,準備喺九龍城插旗開新舖,拓展自己嘅飲食王國噃。

李泳豪班《愛•回家》嘅同事林淑敏、許家傑、陳偉琪、鄭世豪都成日去幫襯。

 

舊年,李泳豪同老竇李家鼎,喺旺角開咗間拉麵屋,父子檔拍住上食大茶飯。

 

日前,李泳豪戴住頂cap帽,神神秘秘喺九龍城行來行去,疑似睇舖位。

 

睇舖睇到入晒神嘅李泳豪,仲睇到行埋出馬路添。小心啲呀,李老闆!