為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 03 月 26 日

《慶餘年》 男主角焗住認做人爸

無綫播緊嗰套內地劇《慶餘年》,收視不俗;而劇集喺內地嘅網上點擊率,亦已經超過八十億。身為男主角嘅張若昀,除咗因為咁爆紅之外,仲成為狗仔隊嘅追蹤焦點。最近,佢老婆唐藝昕喺北京,就被影到個肚大一大。呢張相當然即刻被網民瘋傳,仲大大聲話佢孕味濃添。
而當事人嘅張若昀、唐藝昕都知道紙包唔住火,即日上網親爆有喜事;不過,佢哋都講得隱隱晦晦,可能怕小「器」,唐藝昕就話:「感謝大家的關心,確實是有好消息了。疫情期間也希望大家不要放鬆警惕,注意防護。」至於,就快升呢做老竇嘅張若昀,順手轉發太太嘅留言之餘,亦表示:「感謝關心。」
查實如果唔係畀人影到,張若昀同唐藝昕應該就唔會咁快認啩。因為,東姑知道佢哋玩「隱瞞」呢樣嘢,一直有舖癮。話說十年前,張若昀同當時仲未入行嘅唐藝昕,由於一次撞車而邂逅,之後佢哋就搞地下情。呢段情足足隱瞞咗七年,先至浮上面。仲有,佢哋舊年去愛爾蘭舉辦婚禮,又有網民彈出嚟,爆料話佢哋早喺一八年八月已經領咗結婚證。希望阿B出世時,佢哋唔會再瞞啦!

張若昀同唐藝昕舊年喺愛爾蘭舉辦婚禮;不過,有網民就爆料,指佢哋喺一八年八月已經領咗結婚證。

 

張若昀拍《慶餘年》紅透半邊天,????家又升呢做老竇,真係雙喜臨門。

 

原來唐藝昕今年三十三歲,大過張若昀兩年,之前係玩姊弟戀。

 

張若昀同唐藝昕搞咗地下情七年,由唔認到焗住認,????家有咗都係咁,唔通瞞開有舖癮。

 

唐藝昕都係內地新一代花旦,入行九年,靠可愛笑容入屋,完全唔使靠性感上位,但佢嘅身材查實唔錯。

 

自從有咗BB之後,呢排唐藝昕心情大好,上載咗一批性感相上網,向網友派「福利」。

 

一七年,唐藝昕同林峯拍咗部古裝劇《獨步天下》,當時佢一人分飾三角,套劇點擊率仲有二十億咁多。

 

 

 

有內地狗仔隊影到唐藝昕已經大肚;事後,佢同張若昀先焗住宣布有喜。