為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 03 月 21 日

帶4子女搵明哥買飯票 Bob:人生終極意義是給予

Bob帶仔女去搵明哥,讓明哥給他們上寶貴一課。

林盛斌(Bob)在新冠肺炎疫情爆發下工作量大減,錢嫌少了不埋怨,還感恩多了時間陪伴家人及4名子女;在停學期間,Bob仍給子女教育,是身教!
Bob於社交網上發文,稱自大女霏霏出世那年開始,他都會將小朋友每年收到的利是錢,拿部份捐到不同慈善機構。
晒照帶著4子女落去找「深水埗明哥」陳灼明買飯票,Bob留言:「等佢哋明白到有好多公公婆婆同基層人士,生活困苦到可能連一餐飯嘅飯錢都俾(畀)唔到!」他還感謝說:「多謝明哥,你嘅用心講解同教導,令佢哋上咗非常寶貴同重要嘅一課。」
Bob續謂:「最近睇過一本書,其中一句說話好打動我:『人生嘅終極意義,就係給予 (giving)!」 希望呢個post提醒大家,如果你有能力,一齊付出少少去幫助身邊同社會上有需要嘅人。」

Bob全文:
我記得,由霏霏出世嗰一年開始,
我都會將小朋友每年收到嘅利是錢,
拎部份出嚟捐去唔同嘅慈善機構。

今年,我選擇帶埋佢哋落去明哥度買飯票,
等佢哋明白到有好多教公公婆婆同基層人士,
生活困苦到可能連一餐飯嘅飯錢都俾唔到!

多謝明哥,你嘅用心講解同教導,
令佢哋上咗非常寶貴同重要嘅一課。
(雖然細佬仔係完全唔知發生咩事????) 最近睇過一本書,其中一句說話好打動我:
「人生嘅終極意義,就係給予(giving)!」 希望呢個post提醒大家,如果你有能力,
一齊付出少少去幫助身邊同社會上有需要嘅人。