「金牛座好固執，好需要安全感，所以我啲friend都話，我入咗呢行係好奇怪嘅事。」對星座
略有研究的湯洛雯，認真地自我分析。更奇怪的是，今年七月，三十二歲的她便入行八年，也視其演藝事業為終身事業。「雖然呢行好多未知數，但唔會令我好冇安全感。好似今次拍《法證先鋒IV》，有人問我有冇諗過推，我真係冇諗過推任何機會，仲令自己有好大壓力，呢家睇番轉頭，反而覺得有壓力，我先會成長。」

湯洛雯大學主修心理學，令她特別注重自己的心理健康，「我唔想有心理病，所以一有少少唔開心，就會煩爆屋企人同朋友；又會日日都睇啲好正面嘅語錄，去motivate（激發）自己諗嘢正面啲，咁樣個人都會開心啲。」即使太陽底下無新事，以湯洛雯的自我調節能力，要每天於陽光下笑得燦爛，並非難事。

 

 

多謝黃浩然

湯洛雯代替黃心穎，成為TVB劇集《法證先鋒IV》的其中一位女主角，她坦言：「頭幾日好唔慣，勁NG！我直情唔敢數自己NG咗幾多次，係最驚搞到人、阻人收工。拍呢套劇，係我入行以嚟最大壓力嘅一套，阿Shaun（譚俊彥）同我講，佢哋拍到去廁所都背緊劇本o架！經過咗開頭嗰幾日之後，我先適應到成個節奏，喺屋企同我個妹傾傾吓偈，都會忽然間口噏噏背對白，有啲精神分裂o架，哈哈！」
現在劇集收視率屢創新高，坐底也超過三十點，她也鬆一口氣。「拍小青姐嘅作品，每一句對白都要跟足劇本，就算係助語詞都唔可以改，於是我就更加有壓力，拍完嗰刻我已經感慨，發現原來人嘅潛力真係要逼出嚟嘅。好彩有浩然keep住喺拍攝現場講笑，我知佢特登o架，因為佢知我俾好大壓力自己，成日緊張到連嘢都食唔落，但係人又唔見得瘦咗好多，所以佢就借gag令我放鬆啲。
「佢知道我嘅生活習慣唔好，又唔做運動，於是同我講，演員要care自己嘅身體質素，要時刻準備好自己，於是我拍完《法證》，連生活習慣都改變晒。」

除了演技，湯洛雯拍攝《法證IV》的最大得益，是拍檔黃浩然的一席話。

9╱她稱生命中最重要的是其家人，所以不惜工本購入4,000萬豪宅，也要跟家人住好啲。