為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2020 年 03 月 13 日

趙世曾開綠燈 趙式浩閃娶陀B新聞小花

卓能集團主席趙世曾與盈盈所生的三十六歲長子趙式浩(Howard),感情生活一向低調。與前女友育有一名八歲兒子的他,上周被爆與廿九歲的nowTV新聞小花廖康如(Lilian)拍拖,且未婚懷孕,二人正籌備註冊結婚,預產期是今年暑假。
將再當爺爺的趙世曾,於傳媒前似對兒子喜事毫不知情,實情是「戲中有戲」。趙式浩接受本刊訪問時透露,跟女友拍拖半年,求婚前已獲父親首肯。「我求婚前已經問過爹哋,佢話OK。我唔知爹哋對Lilian滿唔滿意,但我聽唔到反對聲音,爹哋知道抱孫都好開心,佢鍾意熱鬧,希望我組織大家庭。」

趙式浩和廖康如早前去外國拍拖,非常浪漫,當時廖康如揀深海魚作午餐,為BB的腦部發展補充omega3。他對女友讚不絕口:「佢份人好勤奮上進同性格爽朗,優點太多,不能盡錄。」

 

低調註冊

趙式浩近年積極政事,現為重慶市政協委員及自由黨青年團主席,因而接觸到政治記者廖康如,如今後者快登豪門,被網民指是「甘比2.0」。趙式浩聲言早已認定女方,因此拍拖半年便閃電求婚。
「未拍拖前,我哋都醞釀咗一段時間,佢都諗咗好耐,因為我呢個背景,好多人都覺得我同爹哋一樣,好多女朋友、唔會結婚。我哋喺反逃犯條例(風波)前正式拍拖,佢係工作狂,做嘢好搏好chur,成日凌晨至收工,佢收工時我都瞓咗。第二日佢又返足一日工,所以我哋唔係成日見到面,我覺得緣份到,要珍惜眼前人,覺得啱就結婚!原本諗住擺酒,但o依家受疫情影響,請人都未必會嚟,所以安排註冊先。」
趙式浩又解釋,其實父親非要他一世不婚,「當年我有小朋友時,三十歲未到,爹哋覺得我太細個,自己都未諗到自己想點,嗰時佢希望我四十歲後至結婚,呢啲都係我識Lilian前嘅事。
「o依家爹哋覺得我有番咁上下年紀,人已經識諗。佢見過Lilian幾次,仲叫Lilian介紹啲好朋友俾Roman(同父異母的弟弟式正)識,搞到Roman面都紅晒。」

趙世曾見過廖康如幾次,更主動叫她介紹女友給細仔趙式正﹙左﹚認識。

 

趙式浩稱體會完整家庭的重要,所以會結婚生仔。