為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 03 月 06 日

抗疫基金助飲食業 騙徒快過政府出手

市民抗疫心切,繼網上設局呃人買口罩後,騙徒又有新目標,呢次係睇準早前政府向飲食界推出三十七億元「防疫抗疫基金」,持有食肆牌照嘅老闆將獲資助八萬至二十萬元不等。呢筆錢數目唔細,但係政府都未有申請細節出台,一班騙徒近日已四出向飲食界老闆發短訊,疑乘機套取資料呃錢。
多位收到可疑短訊嘅食肆老闆話,近日收到自稱係負責審批申請嘅工作人員,訛稱已收到對方申請,仲畀埋個確認號碼,講到似層層咁,其中一名老闆話:「心水清嘅一睇就知對方想進一步套取佢哋嘅銀行戶口及個人資料;但唔排除會有人唔知頭唔知路,上咗當都唔知。」
稻苗學會主席徐汶緯話,騙徒係睇準業界心急申請基金,趁機混水摸魚,呼籲食肆老闆唔好上當,「申請細節根本未出台,大家稍後遁官方渠道申請就得。」飲食界喺疫情下真係極之慘烈,估計已有超過二千間食肆拉閘,受影響員工多達數萬人,徐汶緯形容呢刻係生死關頭:「早前聯同多個飲食界團體會見十多個發展商,希望大業主酌情減租,並將繳交嘅按金轉成銀行擔保,將現金退回畀食肆。」
無錢交租外,業界都出現唔夠罩開工,徐汶緯早前由外地訂咗四萬二千個口罩,將陸續分發畀會員,「希望頂得一陣得一陣!」

 

 

飲食界受疫情影響生意普遍急跌九成,徐汶緯呼籲政府加大力度支援。

 

騙徒訛稱是處理抗疫基金申請的工作人員,招搖撞騙。