多得新冠肺炎帶挈，令電視劇這種「原始娛樂」，收視重上高峰，也令演出《法證先鋒IV》首個單元的張文慈，演出被網友激讚。
她只淡然地說：「我只係將自己嘅人生經歷投放落去，因為我以前睇咩都好黑暗，令我睇嘢好悲觀。好似o依家咁嘅環境，叫做要咬老本嘅時候，俾着以前嘅我，已經驚到死啦！但o依家嘅我，就識得隨遇而安，最壞嘅打算都係賣咗o依家住嗰層樓，租樓住囉！」
明明都是「明天會更好」，用上另一語言，多了一個發音，觀感又好像有所不同。就如四十八歲的張文慈，因信仰而令自己充滿正能量，拾回應有的信心，才能真正地笑看人生。

 

 

演員

曾幾何時，張文慈是圈中其中一個性感的象徵，電影有《制服誘惑》、電視也有《縱橫四海》，她的身材蓋過她的演技，要外界正視其演員身份，反而要等到一六年，她加入TVB之後，那一年，是張文慈入行廿周年。「以前我好冇安全感，成日覺得如果我唔行性感，啲人就唔會睇我，亦唔會有人搵我拍戲，成日好驚俾人淘汰。拍嗰陣又會唔開心，成個人睇嘢都好灰。
「o依家我會覺得自己唔係靠樣、靠身材，亦都冇得靠。講真，o依家我都唔細啦！仲去Chok個性感樣俾人睇⋯⋯嘩！唔好搞啲咁嘅嘢啦！」
說起《法證IV》的角色，張文慈相當雀躍，原因並非網友的海量Like，「嗰個角色塊面有撻胎記，初時冇咁大撻o架，係我提議整大啲，咁先放大到佢嘅恐懼，令我更加入戲。
「我希望人哋會睇我嘅戲，所以一直都做一個演員應該做嘅嘢，o依家做到梗係開心啦。嚟緊有另一個角色，係我有信心可以令人睇到都開心嘅，我睇play-back嘅時候，甚至發夢都會笑，哈哈！」

她自言現在已豁出去，不論在《法證IV》中素顏演出，還是在未播出的《木棘證人》中，演繹恨嫁中女，她也揮灑自如。

與家人感情深厚，張文慈更視兩名姪兒如己出，經常於IG上載其親子活動。