為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 遂心如爾 2020 年 03 月 06 日

梁爾紋

我是我!我是梁爾紋!入行二十四年,由傳媒變成現任寰亞傳媒集團媒體總監。負責寰亞電影、唱片、演唱會及藝人的宣傳工作。有幸跟不少圈中紅人名導,成為好友,於人生路上,互相扶持。

Jay得過

Happy Birthday Jay Fung !
222是馮允謙(Jay)的快樂生辰,公司同事為了給他驚喜,便相約開會,舉辦了他人生第一次的口罩生日會,留個紀念。
經理人林珊珊特別為Jay準備蛋糕,同事們唱生日歌後,珊珊笑指壽星仔不用除口罩,拍手讓掌風吹蠟燭,大家歡天喜地度過他三十三歲生日。
Jay開心地說:「好多謝大家咁細心俾我一個驚喜,雖然係生日,但好開心可以同大家一齊開會,傾我今年嘅新計劃,大家一齊聽我嘅demo,然後揀我今年第一首製作嘅歌,其實咩味嘅蛋糕我都鍾意食,因為我好為食,好鍾意食甜品。」
原來每一年,他的家人都會在二十一號晚上十二點正,為他獻上一個生日蛋糕,他說:「佢哋每年都唔會事先講,因為每年都會,所以唔係一個好大嘅驚喜,但對我來講就好 sweet,因為無論幾忙佢哋都會抽時間陪我一齊過,所以我好感恩。」

222是馮允謙的快樂生辰,公司同事為了給他驚喜,便相約開會,舉辦了他人生第一次的口罩生日會。

 


說到生日願望,Jay說:「希望今年可以寫更多好聽嘅歌,因為啱啱呢張唱片《DETOUR》每隻歌無論曲、詞及編曲,我都覺得好好聽,所以希望今年可以出多啲好歌,同埋做多啲 live 表演,唱歌俾大家聽。」
我跟他說:「你首〈愛斯基摩人之吻〉我個女超愛,不停同我講好好聽,仲話聽聞有英文版,叫我問吓你喎?我都唔知嘅嘢佢都知,恭喜你多咗個粉絲……」
Jay害羞笑笑口說多謝,可愛極了,若然我十八歲,必定「愛屎」他!
然後他靦腆地說:「英文版係我寫呢首歌嘅Demo,求其錄冇製作嘅,佢係咪想聽?我俾佢聽吓。」
女兒收到Demo版興奮大叫,笑言:「其實佢唱英文歌好聽過廣東歌!」我說只要嗓子美,唱任何歌都一樣吧!
是誰給了Jay Fung規限?在香港出唱片,就一定要唱廣東歌?
我請求他為我寫一首浪漫英文歌,要甜到入心的,他又可愛地笑笑點了頭,很喜歡積極樂觀的他。