為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 03 月 02 日

自製巨型Supreme曲奇蛋糕 JW花心思o氹爆富貴男友

 

JW喺導師幫助下落手落腳,而且有板有眼!

歌手JW(王灝兒)與卓悅太子爺男友葉韋彤(Tarzan)拍拖三年多,雖然揚言會做足「安全措施」唔會奉子成婚,更加未有做鼠年新娘大計,但JW亦早已融入葉家,兩人愛得甜密,JW早已認定Tarzan係非君不嫁了!JW昨日就為男友送上驚喜嚟慶祝二人拍拖43個月,呢個女友真係好浪漫!

JW咁有心思,唔怪得男友鍚到燶!

真係未食都甜都漏啦!

 

近日喺疫情下,藝人工作大減,未有工作的JW昨日去了一間烘焙店上課,學整蛋糕o氹仔!她更搞搞新意思,將近期人氣潮牌Supreme X Oreo的曲奇,並改良成為巨型「肥美」蛋糕版,笑言買唔起高達18萬港元嘅炒價「正版」曲奇,只好花啲心思整個蛋糕版。見JW有導師幫助下都落手落腳,而且有板有眼,睇落色香味俱全。

兩人經常拍拖放狗。

之前JW喺無綫「2019年度勁歌金曲頒獎典禮」中跟胡鴻鈞、吳業坤齊上台攞獎,JW仲好有事業心未想嫁住。

她在帖文以英文留言:「SINCE I COULDN’T BUY HIM THE SUPREME OREO, I MADE HIM A SUPREME OREO CAKE INSTEAD,LOVE YOU」另,她又在微博以中文版肉麻留言:「由於我買唔到最潮嘅Supreme Oreo俾我嘅爱人,所以我整咗一個 Supreme Oreo 蛋糕俾佢,正唔正先???」男友Tarzan見專屬糕即九秒九留言讚好,更大讚她係「sweet gf」,而JW亦回覆:「haapppyy 43 monthss」,更送上兩個咀嘴emoji,大放閃光彈!