為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 02 月 27 日

副局處長親上陣 日本救援爭分奪秒

在日本被困「疫輪」嘅港人,一百九十三人喺當地經檢測後,上周分別乘坐政府的三班包機返港。以往港人在外遇事求救,一般都係由入境處嘅「1868」協助在外香港居民小組負責協調處理,但今次 事件涉及成船三千幾人,港人則有三百六十四人,要做救援及撤離行動並唔簡單,所以港府決定派包機的同時,亦要安排保安局、入境處及衞生署等部門,組成三十人嘅跨部門先遣隊赴日執行任務。
保安局副局長區志光、入境處處長曾國衛更親身上陣率隊到橫濱,不但在場指揮行動,更要跟當地政府及船公司保持緊密溝通,為船上港人爭取落船返港,即使被確診需要留醫嘅,亦要保障佢哋獲得適當治療。由於先遣隊有大將領軍決策夠快,好多嘢都能快人一步,最終只花一個星期,就完成三班包機嘅撤離行動。
話說呢次行動本來已召集咗一班義工同行,諗住多啲人幫手分擔吓工作,點知最後決定唔使佢哋去,有人話因為此行風險太高,不應要義工冒險;亦有人覺得,呢次行動涉及嘅環境同要處理嘅事項既複雜又要快,怕義工唔熟手跟唔上,惟有放棄。至於曾報名去日本嘅義工就話,雖然去唔成好可惜,但最緊都係人冇事。

先遣隊成功爭取港人落船後,在碼頭設登記站替各人探熱及登記資料安排返港。

 

入境處處長曾國衛(右三)在撤離港人行動上全程親力親為。