為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 跟我去Social 2020 年 03 月 01 日

周美鳳

公關界女強人,八六年參加香港小姐後進入娛樂圈,九六年由幕前轉型從商,創立Frement公關公司,人稱「周董」,相識滿天下。娛樂圈閨密朋友,粒粒皆巨星天王天后級人馬,經常要Social,對社交Ball場軼事瞭如指掌。

我的至愛

每一個品牌都有其優秀之處,過往我都分享過不少自己的mix and match美容小貼士。中國人有句說話:美食「不時不食」,其實護膚品化妝品都一樣「不時不用」,甚麼天氣就應該用甚麼產品配搭。每個品牌都有自己的皇牌產品,今期就好想同大家分享CHANTECAILLE(香緹卡),這品牌出名所有產品不含人造色素、人造香料、石油化工產品等等。加上所有產品絕不經動物測試,最啱我喜歡大自然和動物之人去支持。由護膚品到化妝品,品牌的包裝、用料都非常靚和吸引,而當中有幾個最值得我讚不絕口的產品,要推介給大家。
近排天氣轉冷氣溫下降到十一至十二度,天氣乾燥,皮膚仲乾到想裂開,第一時間當然要即刻補水,花妍保濕修護面膜是我的推介,薄薄一層塗在面上,會滲透着淡淡百合花香,而cream狀的保濕mask,比片裝的保濕面膜更加貼服,搽上面後又可以傾偈又可以食飯,好適合咁多功能嘅我,絕不因為要敷面膜而浪費時間。

我的真心推介防曬面霜及粉餅。

 

閃亮亮的唇膏,最適合去party。

 


識我嘅人都知我好鍾意行山,雖然很多人說戶外活動不應化妝,令肌膚有休息的機會。但為了要保持神采飛揚影selfie,同時要對抗猛烈陽光對皮膚的傷害,還是需要好好保護皮膚。進行戶外活動時,與平日化妝是不太一樣,重點是愈少愈好,愈自然愈好,所以產品質地的選擇亦同樣重要,同大家介紹我的另一個心頭好,同一品牌 tinted moisturizer自然肌膚輕底妝SPF15。洗面後,先塗上你的護膚品,然後最後步驟就薄薄的搽上moisturizer,皮膚即時光亮通透而且有防曬效果,而且皮膚能維持像素顏一般的清爽透氣感,質地好輕薄,不笠又可以遮瑕令膚色均勻。這輕底妝係我行山之寶,但係因為佢防曬只有十五度,所以我會先用一支SPF50透明防曬打底,再用輕底妝打底,咁就真係天下無敵又唔怕曬黑,自己膚色又均勻持久,又唔怕曬出黑斑。
講完護膚、底妝,點少得品牌全新限量版Lipstick Crystal晶瑩唇膏,真心正到暈,整支唇膏佈滿閃爍粒子,增加嘴唇豐盈感,持久柔滑提升氣質。重點是一套三色都非常之靚,好可惜礙於疫情問題,大家出街都需要佩戴口罩,未能將支唇膏嘅威力發揮到淋漓盡致,希望疫情快啲過去,大家又可以再一次扮靚靚出街。