為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 02 月 20 日

B計劃 湛琪清

汪詩詩表妹湛琪清(Jessica),在賀歲片《肥龍過江》飾演翻譯員,戲份甚重,丈夫金承威(潘迪生外甥)更包場支持她,「呢套戲其實係兩年前拍,佢想我專心拍戲,等我拍完就即刻求婚。」
去年正式成為金家媳婦的她,今年重任是生鼠B,家中四大長老夾計催谷,她笑說:「老爺、奶奶、我媽咪同婆婆,都想我快啲生BB,每次同老爺奶奶食飯,都會煲藥材補湯;早排飛去美國探婆婆、媽咪,佢哋就日日煲紅豆湯同要我飲燕麥,話對我身體有益,我知佢哋諗乜o架,生BB順其自然啦!」

 

 

湛琪清表示生B後,會繼續工作,「老公知我鍾意做幕前,只係唔想我拍親熱戲。」

 

初歸新抱

湛琪清早前忙於為她有份主演的電影宣傳,這部電影對其別具意義,是她告別單身前拍下的。當時她拍到拗柴扭傷腳,幸好老爺是整容外科醫生,親自為她治理,早已把她當作「自己人」,「兩年後套戲終於上映,全家都好期待,老公係我頭號fans,包場請朋友睇戲。」
湛琪清婚後,丈夫重手送上一間以Jessica為名的美容院和市場公司給她,令她忽然升呢做老闆。問她是否為生仔而鋪路?她急急否認:「就算生BB,我都會繼續做幕前工作,老公都鍾意我繼續做嘢,佢本身好忙好勤力,好多生意做緊。老爺奶奶到呢個年紀都未退休,佢哋每朝五、六點起身,八、九點就出門返工。」
新婚初期,她與老爺奶奶同住,因為他們習慣早起,令到這個「晚起」的初歸新抱好尷尬,「嗰時新屋未裝修好,我會扮早起身,六點起身同老爺奶奶食早餐,佢哋問我:『乜咁早呀?』一齊食完早餐,我就再瞓過,哈!」

湛琪清嫁入金家後,與老爺、奶奶、叔仔(左)相處融洽,一家人經常飯敍。