為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 02 月 24 日

張繼聰搶古天樂fo

張繼聰(阿聰)由歌手轉做演員,先踩入電視圈發展,演技備受肯定。不過,年前因為經理人公司同無綫嘅官司,從此絕迹無綫劇,於是轉向影壇發展,反而因禍得福,近兩三年密密拍戲,更加成為影壇紅人。
其中一個最賞識阿聰嘅貴人,就係被譽為新一代影壇大亨嘅古天樂(古仔)。之前,佢哋已經先後合作過《P風暴》、《犯罪現場》,都係一個「上把」、一個「下把」咁,擦出唔少火花,阿聰認真要多謝古仔嘅好帶挈。
早前,東姑就喺觀塘嘅工業區遇到阿聰同古仔,再度合作一部新戲。現場所見,着住西裝嘅阿聰同埋古仔與及三、四個演員,一齊坐喺餐廳入面,拍攝一場食飯傾公事嘅場口。原本場戲都好嚴肅,拍攝時阿聰個樣仲皺晒眉頭,一臉認真。 點知一嗌停,趁住拍攝空檔,佢嘅鬼馬本色即刻現形,表情多多、指手劃腳,大講笑話,逗得在場人士個個哈哈大笑。
相對貴為「男神」,但係cool爆不苟言笑嘅古仔,好自然唔及阿聰咁受在場工作人員嘅歡迎。睇嚟,阿聰慣性搞笑兼搞氣氛,得意忘形到搶晒fo,好在古仔大方唔計較啫!

有外號「Mr. Cool」嘅古天樂,拍攝時不苟言笑,仲托晒頭一本正經個樣,自然唔似阿聰咁識????人。

 

其實,當日拍攝嘅場口相當嚴肅認真,阿聰一埋位就回復正經,認真收放自如。

 

似「吹神」上身嘅阿聰,趁拍攝空檔跟同場嘅其他演員傾偈講笑,大搞氣氛。

 

之前,阿聰與古天樂先後合作《P風暴》及《犯罪現場》,兩人合作無間,自然擦出不少火花。