為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 02 月 21 日

李添勝臭親老婆

無綫嘅前金牌監製李添勝(添哥),喺電視圈幾十年,製作過《網中人》、《親情》、《鹿鼎記》、《笑傲江湖》、《巾幗梟雄》系列等六十幾齣膾炙人口嘅劇集,最特別係拍過佢劇集嘅演員,譬如:周潤發、鄭裕玲、劉德華、梁朝偉、張智霖、古天樂、黎耀祥、鄧萃雯,個個事後都脫穎而出,大紅大紫到今時今日。難怪,佢喺一六年搞榮休晚宴嘅時候,坐滿廿二圍都係紅星,陣容真係勁過賀台慶。
收山之後,添哥生活歸於平淡,呢幾年,佢大部份時間都係用嚟陪伴老婆,夫妻形影相隨。日前,東姑喺九龍城就發現添哥兩公婆拍拖行街街。今年七十二歲嘅佢,外貌同以前分別唔大,雖然要用柺仗撐住行路,但依然健步如飛。現場所見,佢嘅煙癮好鬼大,一邊行路,一邊煲煙,搞到添嫂愈行愈快,同老公保持距離,似乎係唔想畀啲二手煙臭親。

無綫嘅前金牌監製李添勝同老婆行街,不過佢老婆專登行快兩步,避佢啲二手煙。

 

李添勝一邊行,一邊煲煙,煙癮真係幾大喎。