為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 02 月 19 日

吳業坤簽「星夢」爭做「一哥」

喺無綫近期嘅熱播劇《大醬園》中,吳業坤(坤哥)飾演醬園總管嘅副手兼師傅「華歌」,其後更揭發佢嘅真正身份係「萬卓楓」嘅孖生兄弟,戲份拍得住「男一」嘅何廣沛,上位在望。
除此之外,喺六年前,坤哥簽約Neway旗下嘅「星娛樂」唱片公司,於樂壇發展得相當唔錯,一出道仲憑〈原來她不夠愛我〉一曲彈起,成為嗰年嘅頒獎禮「新人王」,更加喺紅館舉行過個人演唱會,成績有目共睹。最近,佢同舊公司約滿,有傳即將加盟無綫附屬嘅唱片公司「星夢娛樂」,跟鄭俊弘、胡鴻鈞爭做「一哥」之餘,甚至有機會問鼎二〇二〇年《勁歌金曲頒獎典禮》嘅「最受歡迎男歌星」。
查實,舊公司對坤哥仍然非常重視,好似日前,佢去黃埔新城電台做訪問,宣傳新歌〈玩具成熟時〉,唱片公司就派出三個人貼身服侍,出入有如保鑣傍到實,有晒「一哥」嘅排場。

 

 

平時都好獨立識照顧自己嘅坤哥,都唔慣被三個人服侍,自己一馬當先行咗前面。

 

喺無綫近期嘅熱播劇《大醬園》中,坤哥嘅戲份拍得住「男一」嘅何廣沛,上位在望。