為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 02 月 17 日

瑪姬富貴「開年」

前新城電台DJ瑪姬(原名:張卓賢),口才好又精通兩文三語,就算冇做電台後,近年主要擔任活動司儀工作,一樣豬籠入水。而投資有道嘅佢,睇準時機喺一四年入市,細屋換大屋,購入市值升到一千六百萬元嘅火炭豪宅,堪稱圈中嘅隱形小富婆。
日前,東姑就喺尖沙咀嘅半島酒店,發現瑪姬嘅芳蹤。現場所見,佢攙扶住撐拐杖、行動唔多方便嘅媽媽,步出酒店門外,相當孝順。
而睇瑪姬戴上紅色嘅帽,媽媽又穿着一件紅噹噹嘅外套,刻意打扮過年喜氣洋洋look應節,相信兩母女啱啱喺酒店入面中餐廳飲完茶「開年」。睇嚟,佢不愧為小富婆,去到五星級酒店做節,之後又揸架紅色平治載媽媽返家,認真富貴喇!

孝心可嘉嘅瑪姬,攙扶住撐拐杖嘅媽媽,兩母女一齊步出五星級嘅半島酒店。

 

媽媽着住件紅噹噹嘅外套,而瑪姬則着閃金長裙襯搶眼紅色帽,打扮喜氣洋洋,相當應節。

 

瑪姬曾經同無綫藝員黃建東被拍到多次秘密約會,因而傳出緋聞。