為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 02 月 14 日

彭懷安癡癡地等

入行廿年,原本係男子跳舞組合EO2成員嘅彭懷安(Eddie),組合解散後,佢就加入無綫拍劇;而佢所演嘅角色,就壞人多過好人。最近,佢就喺熱播劇《黃金有罪》中,飾演泰國黑幫組織龍頭「乃隆」。佢就話自己已經習慣咗做壞人:「無論做奸角、反派都冇問題。我咁嘅樣,衰衰格格,唔做衰人嘥晒!未來,我係想做好一個衰人!」
其實,咁多年嘅演藝生涯中,Eddie同朱慧敏嘅一段感情,就令人津津樂道。佢哋拍拖七年,曾經到達談婚論嫁嘅階段;不過,Eddie就被爆有出軌之嫌而分手,但有指兩人嘅關係欲斷難斷。
日前,東姑就喺太古城撞到孤伶伶嘅Eddie。當日係假期,商場人來人往,就連買杯飲品都需要排隊半個鐘,之但係佢都好有耐性,叫咗杯嘢飲之後,就企定定一邊癡癡咁等,一邊四圍望,百無聊賴。東姑覺得,追女仔嘅其中一項重要條件就係耐性,Eddie呢方面絕對有,咁要追番朱慧敏,相信只係時間問題啫。

當日商場人來人往,買杯嘢飲都要排隊,Eddie竟然照買、照排,好有耐性。

 

喺無綫熱播劇《黃金有罪》中,Eddie飾演泰國黑幫組織龍頭「乃隆」,繼續做壞人。

 

期間,百無聊賴嘅Eddie,只係原地企定定,四圍望及抹眼鏡,等候店員製作飲品。