為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 02 月 13 日

黑妹獲五壽星祝福

喺無綫劇集《牛下女高音》、《解決師》都有份演出嘅李麗霞(黑妹),早前不幸確診患上肺癌第一期,好彩及早發現同成功切除腫瘤。而身體逐漸恢復嘅黑妹,十八個月內連做兩個大手術,免疫力差啲就在所難免,所以除咗工作以外,平時好鍾意大宴親朋嘅佢,應酬活動都盡量避免。
不過,早前,五位好朋友生日,黑妹盛情難卻,於是就喺上水古洞嘅寓所,幫佢哋搞咗一個迷你生日派對。當晚嘅生日之星,包括:煒烈、王綺琴、寶珮如、李思雅及舒雅頌。而黑妹就為五位壽星,準備咗五個玫瑰蛋糕,令大家都心花怒放,寶珮如同東姑講:「黑妹姐年年都非常之有心,出錢又出力,佢都只係想各位弟兄姊妹開開心心、熱熱鬧鬧,所以之前佢病咗,大家都好擔心佢!好人有好報,我哋嘅生日願望就係希望佢以後都健健康康啦!」
當晚座上客星光熠熠,包括:彭皓鋒一家四口、李天翔、葉凱茵等,大家一邊食、一邊傾,有部份人仲由中午已經開始打麻將,大家都話冇咗黑妹姐會冇晒啲娛樂。而為咗延續呢個熱鬧場面,隔了一個星期,黑妹再搞咗一場蟹宴,剛剛康復咗嘅韓馬利,都有同老公杜燕歌出席,佢仲一口氣食咗四隻添,認真食得是福!

五位好朋友生日,黑妹既出錢又出力,喺上水古洞嘅寓所,幫佢哋搞咗一個迷你生日派對,當晚賓客眾多,非常熱鬧。

 

黑妹叫食飯,成班契妹、契細佬,全部都畀面出席。

 

黑妹搞嘅飯局,除咗有靚蟹之外,仲有燒烤,大家都食到舔舔脷。

 

當晚,黑妹預備咗過百隻美味可口嘅靚蟹,李天翔一於唔客氣,大快朵頤。