為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2020 年 02 月 12 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

由工廠到共創

身邊不少廠家朋友在過去十多廿年到柬埔寨設廠,經常聽佢哋講述當地經濟發展,但我自己就最近先至第一次親歷其境。今次邀請我去參觀嘅香港金鏗集團,正正係一九九六年進入當地嘅廠家,到今日已經乘住柬埔寨經濟增長,由工業做到多項產業。
柬埔寨GDP由一一至一八年每年增長維持百分之七以上,加上一帶一路及二三年東亞運動會帶動,唔少企業見到當地嘅潛力,紛紛進入市場。金鏗集團九二年以生產毛衣起家,九六年到柬埔寨發展,初時只係眼見內地成本上漲,於是將生產線搬過去,後來陸續在當地拓展地產、保險、森林事業等業務,現時為全球五大毛衣生產商之一。
公司已於柬埔寨發展超過二十年,擁有八間廠房,其中最大一間佔地一百四十萬平方米,合共聘用逾三萬員工,每年產量佔柬埔寨總成衣出口兩成。公司早年設立嘅工廠所在地現時已變成市中心,在鄰近社區難請人,於是將工廠搬到較偏遠地方,市中心地後來就用作興建住宅,初衷係打算賣畀員工,幫佢哋「上車」,結果一路發展成為業務一環。

去到金邊共享創意基地,陸叔都同年輕人一齊chill下。

 


我今次過去睇嘅首都.國金(Urban Village)第二期係公司第三個地產項目,一二年收購牛仔褲廠地而建成,係市內最大港資投資項目,綠化面積達四成五,設計創新,因而獲得六個國際獎項。公司執行董事陳潔盈(Catherine)和李駿機(Ben)帶我參觀時,特別提到呢個地方充滿故事,公司改建時亦特意保留原有工廠結構及風格。項目位於金邊,裡面有住宅、 辦公室及社區休閒設施,更建有共用創意園The Factory。由機場過去項目只需二十分鐘,而與購物中心亦僅十分鐘車程,交通方便。
香港和內地物業租金回報平均約二點五厘及一點五厘,金邊又如何?根據一份報告,常住金邊外國人口超過十五萬,而已建成住宅只有一萬四千伙,撇開每年人口增幅,現水平已供不應求。胡潤全球房價指數顯示金邊核心區公寓租金回報率高達十點八厘,計埋金邊房價漲幅及匯率變化,投資回報率高達二十九點四厘,雖然呢個回報率並非穩賺,但在海外物業投資之中亦屬於最高之列。
共享係全球大趨勢,加上不同企業進駐柬埔寨,公司特意打造全亞洲最大嘅共享創辦空間The Factory,佔地三萬四千平方米,係元創坊(PMQ)二十倍,集辧公、藝術及零售於一身,亦係當地文化新地標。其中,共享創作社區集合辦公空間、初創企業孵化基地及創意工作園,已有一百五十間公司進駐,七成來自海外,一個國際化社區已經成形。
柬埔寨冇外匯管制,係全東南亞唯一用美元結算嘅國家,可避免匯率波動而影響物業價值。稅制方面同香港好似,以固定比率或金額收取費用,唔會遞增。業主支付財產稅、印花及行政費、律師費、管理費及樓宇維修基金後,即可擁有永久業權,而且可以將物業賣返畀本地人。今次我初到金邊,雖然只係走馬看花,但印象頗深,有機會一定會再去睇真啲。